Li Efrînê çete bi hev ketin

Çavkaniyan ji Efrîna dagirkirî ragihand ku îro li navçeya Cindirêsê çeteyên Ehrar El-Şam bi hev ketin. Di encamê de serçeteyê Lîwa El-Muhacrîn ê bi navê Mehmûd El-Binyan û gelek çeteyên din ên her du koman hatin kuştin.

Li gorî agahiyan, şerên dijwar di navbera çeteyên Ehrar El-Şam de li ser benda kontrolê ya li gundê Hecîlerê li navçeya Cindirêsê û heta gundê Til Silûrê yê heman navçeyê rû dan.

Heman çavkaniyan destnîşan kir ku çete çekên sivik û navîn di şer de bi kar tînin û şer heta niha berdewam e. Her wiha destnîşan kirin ku sedema şer, nakokiyên li ser parvekirina mal û milkan e ku ji şêniyên herêmê dizîne.

XWEPÊŞANDANA LI DIJÎ ÇETEYAN

Çavkaniyên ji herêmê ragihand ku li navçeya Cindirêsê û herêmên Marê û Soran ên Ezazê li dijî şîrketên kehrebeyê yên girêdayî dewleta Tirk, xwepêşendan li dar ketin.

Li gorî çavkaniyan, ji ber qutkirina kehrebeyê ya domdar û xebatên xizmetguzariyê yên nebaş ku meclisên herêmî pêşkêş dikin, xwepêşandêr li gelek herêman derbasî avahiya şîrketa kehrebeyê bûne.

(şx)

ANHA