'Êrişa li ser Kobanê berdewama sûcên Tirkiyê yên li dijî gelên azadî e'

Bi dehan endamên Tevgera Ciwanên Şoreşger a Sûriyê- Minbicê, li ber navenda xwe kom bûn û bi daxuyaniyekê bombebebarana dewleta Tirk a dagirker a li ser Kobanê şeremzar kir.

Hevserokê Tevgera Ciwanên Şoreşger li Minbic û Gundewarê wê Ehmed Cemîlî daxuyanî xwend.

Tevgera Ciwanên Şoreşger li Minbic û Gundewarê wê di daxuyaniyê de kiryarên dewleta Tirk a dagirker şermezar kir  û got, ji beriya çend mehan ve herêmên Bakur û Rojhilatê Sûriyê dike hedef, nexasim Kobanê ku rêxistina DAIŞ`ê ya Tirkiyê piştgiriya wan dike, têk bir.

Di berdewamiya daxuyaniyê de hate diyarkirin ku rewşa heyî ne li gorî berjewendiyên Tirkiyê ye, ji lew re bi balafirên bêmirov êrişî herêmên Bakur û Rojhilatê Sûriyê dike û sivîlan hedef digire. Her wiha got, ev kiryar berdewamiya siyaseta sûc a ku li dijî gelê azad dide meşandin.

Di daxuyaniyê de hate destnîşankirin ku artêşa Tirk hewldana berfirehkirina qada dagirkeriya xwe ya li Sûriê dike, her wiha hewl dide projeya neteweya demokratîk û Rêveberiya Xweser têk bibe, ji ber ku ev proje gelê Rojhilata Navîn ji bindestiyê rizgar dike.

Di dawiyê de ciwanan soza şopandina rêya şehîdan  û parastina destkeftiyên şoreşê da.

)eh)

ANHA