Li Kobanê bi hezaran kes li qadan bûn

Bi hezaran şêniyên kantona Kobanê bi meşeke girseyî bomebebarana dewleta Tirk a duh a li bajarê Kobanê ku di encamê de 2 kes şehîd bûn û 7 birîndar bûn, şermezar kirin.

Meş ji Qada Azadî ya naverasta bajar ber bi cihê bomebebaranê ya li taxa Şehîd Peyman a li rojhilatê bajar ve dest pê kir. Di meşê de pankartên "Bi ciwnan em ê şoreşa xwe biparêzin, dagirkerî û xiyanetê têk bibin" hatin vekirin û diruşmeyên şeremzarkirina xiyanet û sîxurtiyê hatin berzkirin.

Li cihê bomebebaranê, ji bo bîranîna şehîdan deqeyeke rêz hate girtin. Paşê bi navê Tevgera Ciwanên Şoreşger a Sûriyê ya Herêma Firatê, hevseroka Desteya Ciwan û Werzîşê ya Herêma Firatê Xunav Xelîl axivî û êrişên dewleta Tirk a dagirker ên li ser herêmê şermezar kirin û got: "Ev êriş vîna gelên herêmê û ciwanan naşkîne, lê israra wan a domandina xeta şehîdan û xurtkirina têkoşînê zêdetir dike."

Xunav Xelî her wiha xiyaneta PDK'ê û ajantiya ji dewleta Tirk a dagirker re şermezar kir û got: "Ciwan dê li hemberî xiyanetê bisekinin heta ku wan tune bikin."

Heveroka Desteya Ciwan û Werzîşê ya Herêma Firatê bang li gelên herêmê, di serî de ciwanan kir ku li hemberî êrişên Tirkiyê bisekinin: "Ciwan bingehê civak û şoreşê ne, ji ber vê yekê di serî de tên hedefgirtin."

ANHA