Li Helebê panelek li ser fikirê laîsîzmê hate lidarxistin

Nivîsgeha Têkiliyan a Partiya Yekitiya Demokratîk (PYD) îro panelek li xwaringeha Tele ya li taxa Şêxmeqsûd a Helebê li dar xist.

Nûnerên Partiya Sûriya Pêşerojê, Partiya Hevbendiya Niştimanî ya Demokrat a Sûrî, Partiya Demokrat a Kurd li Sûriyê, PYD, Meclisa Sûriya Demokratîk, Partiya Yekitiya Demokrat a Kurd, Însiyatîfa Sûrî ya Azadiya Rêbertî, Partiya Sûriyê ya neteweyî ya civakî, Partiya Demokrat  a Sûriyê, Partiya Guhartin û Ronesansê ya Sûriyê û kesayetên serbixwe tev li panelê bûn.

Serokê Partiya Guhartin û Ronesansê ya Sûriyê Mistefa Qelecî axivî û got: "Ji destpêka derketina Laîsîzmê  di civakan de, nîqaşeke berfireh li ser hatiye kirin û hîn jî bi dawî nebûye, nexasim di civakeke wekî Sûriyê de ku tê de pirrnetewe û ol hene."

Mistefa Qelecî anî ziman ku têgîna laîsîzmê  tê wateya qutkirina ayînên olî ji siyasî û civak azadiya xwe bi dest bixe û wiha dewam kir: "Ne ku bi armancên olî û siyasî baweriyek li ser wan were ferzkirin, her wiha nayê wateya qutkirina ol ji jiyana giştî ya civakan, ji ber ku laîsîzmê , helwest, rêgez û erkeke mirovî ye û xwe dispêre 3 stûnan ku ew jî, dezgehên madî, zanist û pêşketina wê û aliyê mirovî."

Qelecî da zanîn ku hewcedariya civakan bi karekî niştimanî hevbeş heye da mafên xwe bi dest bixin û her kes tev li vê xebatê bibe, ji ber ku yekane rêya azadî û pêşketinê ye û ev e laîsîzm .

Qelecî destnîşan kir ku welat milkekî hevbeş e, divê cudabûnê bixin navbera çalakiyeke olî û siyasî û rêz jê re were girtin da yek ê din keysbaz neke.

Mistefa Qelecî pirsa pêşeroja siyasî ya Sûriyê kir û got, "Hîn jî gendelî heye û qada çandî û perwerdê paşve vedigere, her wiha tundî zêde dibe û fitneya olî li pêş e û welat di şerekî rastîn de ye, wê demê gelo laîsîzm hewcedariyeke civakî yan kemalî ye?

Têkildarî mijara penalê beşdaran nêrînên xwe parve kirin.

Panel bi van biryaran bi dawî bû:

-Girîng e fikirê îaîkzm were belavkirin û li pêşberî ol nebe kelem.

-Laîsîzm ji bo rêvebirina civaka sûrî ya pirrengî girîng e, ew jî li ser bingeha niştimanparêziyê ye û divê qanûnên di destûra sûrî de werin parastin, hevpeymaneke civakî were destnîşankirin ku tê de her kes cihê xwe bigire û beşdarbûna jinan di hemû qadan de were misogerkirin.

-Laîsîzm  girîng e û civaka sûrî ji nifşên bê re vedigerîne, her wiha wê ji bindestiyê xelas dike.

-Rêgeza jiyana hevbeş û hevjiyana azad a di navbera hemû hêzên siyasî niştimanî de were misogerkirin û bang li koçberên bi darê zorê terka xaka kirine, were kirin.

(eh)

ANHA