Ji sedî 30 reşnivîsa hevpeyama civakî hate guhertin

Komîteya Berfireh a Sazkirina Hevpeymana Civakî ya Bakur û Rojhilatê Sûriyê piştî nîqaşa hevpeymanê ku ji sedî 30 reşnivîs guhartin, civîna xwe bi dawî kirin û di hefteyên bê de dê careke bicive.

13 kanûn, 2021 15:28

HESEKÊ

Roja şemiya derbasbûyî civîna Komîteya Berfireh a Sazkirina Hevpeymana Civakî ya Bakur û Rojhilatê Sûriyê ku ji 157 endaman pêk tê dest pê kir. Civîn sê rojan dewam kir û li pêşberî dezgehên ragihandinê girtîbû. Hêjayî bi bîr xistinê ku beriya vê civînê 15`ê Tîrmeha îsal Rêveberiya Xweser komîteyeke biçûk ji 30 endaman ava kir da reşnivîsa hevpeymana civakî amade û nîqaş bikin.

Endamên komîteya berfireh di roja sêyemîn de girîngî dan nîqaş û guhartina sîstema îdarî ya Bakur û Rojhilatê Sûriyê, rola meclis, komîn û erkên wan. Di her du rojên destpêkê de jî bendên hevpeymanê û rêgezên giştî nîqaş kirin.

Komîteya Berfireh a Sazkirina Hevpeymana Civakî ya Bakur û Rojhilatê Sûriyê piştî hevpeyman nîqaş kirin û sedî 30 guhartin di reşnivîsa wê de çêkirin, kar û xebata xwe bi dawî kirin. Komîte di hefteyên bê de dê nîqaşa reşnivîsê berdewam bike.

Endamên komîteyê, nûnerên Rêveberiya Xweser a Bakur û Rojhilatê Sûriyê, partiyên siyasî, tevgerên ciwanan, hiquqî, saziyên civaka sivîl û saziyên civakî yên li herêmê tev li civînê bûn.

(eh)

ANHA