Partiya Sûriya Pêşerojê panelek li ser destûr û komîteya destûrê li dar xist

Partiya Sûriya Pêşerojê û Meclisa Edaleta Civakî ya Bakur û Rojhilatê Sûriyê şaxê Dêrazorê panelek bi sernavê "Destûr û komîteya destûrê" orgenîze kir.

Panel li navenda şaxê Partiya Sûriya Pêşerojê ya bajarokê Mihêmîdiyê yê gundewarê rojavayê Dêrazorê bi beşdarbûna endamên saziyên sivîl, siyasetmedar û hiquqnas li dar ket.

Piştî rêzgirtinê berdevaka Nivîsgeha Jinan a Meclisa Partiya Sûriya Pêşerojê ya Dêrazorê Mûna Hemadî bixêrhatina beşdaran kir, dûvre endamê Meclisa Edaleta Civakî ya Bakur û Rojhilatê Sûriyê Faîz Bêg destûr û rêgezên wê şîrove kir.

Faîz Bîk ji ajansê re axivî û got, panelên wekî vê girîng in da welatî maf û erkên xwe yên ku destûr paratina wan dike û têkiliya hemwelatî bi dewletê re bi rêxistin dike, nas bikin. Li aliyekî din jî da ku kar û xebata komîteya destûrê nas bikin.

Her wiha diyar kir ku gerên "Komîteya Destûra Sûriyê" bi bin ketin û sedema vê binkefinê spartin van xalan "Rêveberiya Xweser di komîteyê de nehat beşdarkirin, komîte girîngiyê nade rola jinan di avakirina biryaran. Her wiha girîngiyê nade mafên mirovan û hesabxwestina ji sûcdarên şer."

(eh)

ANHA