Li Baxozê navendeke karantînayê ya pêketiyên vîrusa Koronayê hat vekirin

Di merasîma vekirinê de saziyên sivîl, rûspî û şêxên eşîrên herêmê, endamên meclisên herêmê, malên gel û nûnerên ji rêveberiya jin amade bûn.

Piştî deqeyeke rêzgirtin û beriya vekirinê, yek ji endamên koma însiyatîfên dilxwaz Hemod El-Xelef bixêrhatina beşdaran kir û da zanîn ku dê ev navend ji bo pêşîlêgirtina vîrusa Koronayê û dermankirina wê ji şêniyan re piştevanî be.

Dûvre beşdar li nava navendê gerîn, beş, alavên wê nas kirin û kêmasiyên heyî şopandin.

Endamê rêveber ê Komîteya Tenduristiyê ya Meclisa Rojhilaa Mişel El-Sultan ev spasiya vê însiyatîfê kir û soz da komê ku gelî û xwestekên wan ji aliyên têkildar re rakirin ku alîkariya we bi hemû derfetên xwe bikin.

El-Sultan bi endamên komê re li ser dermanxaneyan nîqaş kir ku tu dermanan an jî perspektîfan nedin kesên gûmana vîrusa Koronayê li ser wan hene û wan bişînin navnedê karantînayê ku tedbîrên guncaw bigirin û testên wan werin çêkirin.

Koma însiyatîfan a dilxwaz ku ji 20 dilxwazan pêk tê bi derfetên xwe dixebitin. Li gel wan 7 cereyên oksojînê, du alavên keşfkirina oskojînê û alaveke keşfkirina germahiyê, 4 erebe û nimreya awarte hene.

Dê kom gerên ji bo hişyarkirin û zanakirinê ji şêniyan re, li dibistanan û navendên giştî pêk bîne û dê hemleyên derzîkirinê li dijî laşmanya li dar bixin, her wiha gerên sibehê û êvarê li ser nexweşên koronayê bi rê ve bibin.

(fr)

ANHA