Li Dêrazorê yekemîn navenda giştî ya Asayîşa Jin hate vekirin

Yekemîn navenda giştî ya Asayîşa Jin li herêma Sebhe Kîlo ya gundewarê Dêrazorê hate vekirin.

11 cotmeh, 2021 16:06

DÊRAZOR

Nûnerên meclisên sivîl, herêmî û hêzên leşkerî beşdarî merasîma vekirina navendê bûn. Di merasîmê de axaftin hatin kirin û vekirina navendê li şêniyên herêmê nexasim li jinan hate pîrozkirin.

/ar/uploads/files/2021/10/11/152816_dalyda-krkwkly.webp

Di merasîmê de endama navneda giştî ya Asayîşa Jin li Dêrazorê Dalîda Kerkûklî wiha axivî: "Me îro navenda giştî ya Asayîşa Jin li herêma Dêrazorê vekir, ev navend dê berpirsa navendên din ên jinan li Dêrazorê be."

/ar/uploads/files/2021/10/11/152716_aml-ahmd.webp

Her wiha endama arşîfa giştî ya Asayîşa Jin Emel Ehmed El-Hisên jî ev tişt got: "Armanc ji vekirina navenda giştî ew e ku çavdêrî û koordîneyê di navbera hemû şaxên navendên Asayîşa Jinê û navenda giştî de hebe. Her wiha sicil û arşîfên hemû navendan li navenda giştî bi hêsanî werin komkirin û ew jî berpirsa hemû sicila ye."

Emel El-Hisên vekirina navendê li hemû jinên herêmê pîroz kir û got, navenda giştî û navendên din dê cihê pêşwazîkirina gazincên jinan û parastina wan bin.

(bx)

ANHA