Kampanyaya haştagê ya ji bo azadiya fîzîkî ya rêber Abdullah Ocalan dest pê kir

Kampanyaya ji bo azadiya fîzîkî ya rêber Abdullah Ocalan ku ji aliyê Meclisa Medya Dîjîtal a Kurdistanê ve hatiye ragihandin bi haşhaşa " #FreedomForOcalanNow'' li ser hemû platformên medyaya dîjîtal dest pê kir.

Kampanya dê heya 10'ê Cotmehê bidome , tê payîn ku mîlyonek kes tevlê  bibin.

Meclisa Medya Dîjîtal a Kurdistanê vê sibehê bi daxuyaniyekê banga beşdarbûna kampanyayê kiribû " Em bang li hemû gelê xwe û dostên xwe dikin ku bi awayekî aktîf beşdarî kampanyaya azadiya birêz Abdullah Ocalan bibin.”

Jin, siyasetmedar, rewşenbîr, akademîsyen, nivîskar û rojnamevan, ku bi hashtagê #FreedomForOcalanNow li ser hesabên xwe yên medyayê yên dijîtal parve kirin, banga azadiya fîzîkî ya Rêber Apo kirin.

Hin nivîsên ku di çarçoveya kampanyayê de hatine parvekirin wiha ne:

Meclisa Medya Dîjîtal a Kurdistanê: Hejmara me li cîhanê bû bi milyonan..

Di salvegera komploya navneteweyî de em qîr dikin: Azadî ji rêberê gelan Abdullah Ocalan re.

Endamê Desteya Hevserokatiya PYD'ê Aldar Xelîl: Bi te Azadî Watedar dibe.

Parlementerê HDP’ê Omer Ocalan: Di çareseriya pirsgirêka Kurd de, muxatabê sereke girîng e. Hikûmeta ku dê were ser kar divê ji bo girtiyên siyasî efû bê derxistin Kurd hene ku 30 sal in di girtîgehê de ne. Azadî ji bo hemû girtiyan, bi taybetî jî birêz Öcalan ra #FreedomForOcalanNow .

Gerînendeyê Nivîsgeha Çapemeniya QSD'ê Ferhad Şamî: Di Cotmeha '2014'an de terorîstên DAIŞ'ê Kobanê dorpêç kirin û hindk mabû ku tarîtiyê li bajar belav bike. Ji ber vê yekê rêber Ocalan bang li ciwanên Kurd li cîhanê kir ku biçin Kobanê û li dijî DAIŞ'ê bisekinin.

Hevserokê TEV-DEM Xerîb Hiso: Azadiya Rêber Abdullah Ocalan azadiya hemû gelên herêmê ye.

Hevseroka PYD'ê Eyşe Hiso: Azadiya Birêz Ocalan, wê azadya Rojhilata Navîn bi xwe re bîne.

ANHA