Senatorên Amerîkayê ji Biden xwestin ku hesabê ji Erdogan bixwaze

Li gorî rojnameya Kathimerini ya yewnanî senatorê amerîkî Chris Van Hollen Led ku demokratîk e û endamê Komîteya Têkiliyên Derve ya Kongreyê yê komarparêzê James Lankford duh bang li serokê Amerîkayê Joe Biden kir ku hesabê ji serokkomarê Tirkiyê Recep Tayyîp Erdogan bixwaze, ji ber hewldanên wê ku kurdên li Tirkiyê ji mafên wan bê par bihêle, pirengiya siyasî ya li welêt sînordar dike û bi rêbazên nedemokratîk desthilatê ava dike.

Senatoran nameyek ji serok Biden re şandin û tê de gotin: "Em ji ber biryara dadgeha destûrî ya Tirkiyê ya di Hezîrana 2021`an de bi fikar in ku lîsteya tawanên li dijî HDP`ê qebûl kir. Ev hewldan ji bo jihevxistina HPD`ê hat kirin ku li ser asta Tirkiyê di rêze sêyemîn a partiyên herî mezin de ye."

Senatoran nameya xwe wiha domand: “Em bang li we dikin ku hewldanên Erdoganê şermezar bikin. Bi şirîkên me yên Yekitiya Ewropayê re kar bikin da ku ji vê zêdetir demokratî li Tirkiyê paşde neçe.”

Senatoran diyar kirin ku di dirêjahiya salên dawîn de serokkomarê Tirk Erdogan ji bo sînordarkirina mafên HPD`ê bi zanabûn hemeleyek meşand.

Senatoran di dawiya nameya xwe de got: “Em bang li we dikin ku xwedî li demorkatiyê, mafên mirovan û serdestiya qanûnê di têkiliyên wan yên bi Tirkiyê re derkevin. Bi şirîkên me yên Yekitiya Ewropayê (YE) re koordîneyê bikin. Divê serok Erdogan fêm bike ku wê encamên jihevxistina HDP, girtina endamên wê li ser Tirkiyê xeter bin.”

Endamên kongreyê Chris Van Hollen, James Lankford, Ron Wyden, Tom Telles, Jeff Merkley, Jane Shaheen, Angus King, Cory Booker, Ed Markey û Sherrod Brown ev xîtab îmze kir.

(şx)