​​​​​​​Jinên kobanî: Di parastina herêmên me de divê em xwe nespêrin tu kesî

Li gel zêdebûna gef û êrişên derve yên li ser herêmên Rêveberiya Xweser a Bakur û Rojhilatê Sûriyê, hewldanên têkbirina ewlehiya herêmê, derxistina fitneyan di navbera pêkhateyan de û sorkirina şêniyan li dijî rêveberiyê girîngiya hevgirtina civakê û xurtkirina parastinê derdikeve pêş.

Li ser mijarê jinên ji bajarê Kobanê diyar kirin ku parastina herêmê erkeke ku ne tenê ji hêzên leşkerî û ewlehî tê xwestin, di heman demê de berpirsyartiya tevahî ferdên civakî ye.

Nazê Mihemed Elî got: " Di parastina herêmên xwe de, divê tu kes xwe nespêre hêzên leşkerî yan jî ewlehiyê, divê piştgiriya wan hêzan bikin û parastina herêmên xwe bikin, ji malê bigire û heta bi taxên xwe."

Nazê Mihemed bang li şêniyan kir ku hişyar bikin û tev li Hêzên Parastina Civakî an jî xweparastinê bibin û got, parastin erkeke û dikeve ser milên her kesî.

Nazê Mihemed Elî da zanîn ku divê her kes çi jin çi mêr xwe fêrî bikaranîna çekê bibe û herêmên xwe ji dagirker û êrişên biparêze.

Endama Hêzên Parastina Civakî Sefa Ebdullah got: "Em xwe naspêrin hêzên derve ku dibêjin em ê parastina herêmên we bikin, lê em li kêleka hêzên Ewlekariya Hundirîn parastina herêmên xwe dikin, her wiha em piştgiriya hêzên xwe yên leşkerî YPG, YPJ û QSD'ê dikin."

Sefa Ebdullah bang li şêniyên herêmê kir ku xwe nespêrin hêzên derve, lê tev li Hêzên Parastina Civakî bibin û li dijî êrişên dijmin bisekinin.

Sefa Ebdullah destnîşan kir ku gelê herêmê dikare parastina herêmên xwe bike û hewcedariya wan bi hêzên derve ve tune ye.

Welatiya bi navê Xanim Îbrahîm jî got, divê gelê herêmê xwe nespêrin hêzên derve yê li herêmê, lê bi xwe parastina herêmên xwe bikin."

Xanim Îbrahîm got, YPG û YPJ'ê sînorên herêmê diparêzin û wiha domand: "Divê gelê me hundirên herêmê çi gund be an navçe be an jî bajar be biparêzin. Heger gelên herêmê herêmê ji êrişî û dagirkeran nepaêrzin tu hêzên derve yên li herêmê yanî aliyên din naparêzê."

(eh)

ANHA

<iframe width="560" height="315" src="https://www.youtube.com/embed/PlxRfAx64XI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>