Şêniyên Amûdê şehîdên meha Tebaxê bi bîr anîn

Merasîmê bîranînê ji aliyê Meclisa Malbatên Şehîdan a Navçeya Amûdê ve hate lidarxistin.

Malbatên şehîdan wêneyên zarokên xwe yê şehîd rakirin û ber bi goristanê ve çûn.

Merasîm bi deqeyeke rêzgirtin ji bo giyanê cangoriyên azadiyê dest pê kir, piştre endamê Meclisa Malbatên Şehîdan a Navçeya Amûdê Zîwer Elî şehîd bi bîr anîn û da zanîn ku şehîd rêya xelasiya ji zilimê ye.

Zîwer Elî di şexsê 29 şehîdan de hemû şehîdên azadiyê bi bîr anî û got: "Ger em bixwazin destkeftiyên şehîdan biparêzin, divê  em li tevahiya tevgerên şoreşger vegerin ku negihan armancên xwe yê avakirina rêveberiyê, ji ber ku berjewendiyên xwe yê kesayetî di ser ê giştî re nedigirtin, lê tenê Tevgera Azadiya Kurdistanê ku li ser bingeh û rêzgezên gewre û mezin hate damezrandin, her ferdekî cihê xwe tê de girt û tîrêja têkoşîn û berxwedanê li dijî tevahiya sîstemên kapîtalîst ên berjewendîperest rakir."

Zîwer Elî wiha gotina xwe bi dawî kir: "Tenê Tevgera Azadiya Kurdistanê ku li ser bingeha fikir û felsefeya Rêber Abdullah Ocalan hate avakirin; di şerê li dijî tevahiya planên ku li dijî gelê Kurd hatin plankirin, isbata serkeftina xwe kir û dîroka şahida vê yekê ye."

Di dawiyê de nasnameyên her 29 cangoriyên azadiyê yên meha Tebaxê yên ku di dem û cihên cuda de şehîd bûne hatin xwendin û radestî malbatên wan hatin kirin.

(eh)

ANHA