Bi hezeran şêniyan şehîd fermandar Sosin Bîrhat pêşwazî kir

Bi hezeran şêniyên Heleb û Şehbayê û koçberên Efrînê cenazeyê fermandar Sosin Bîrhat pêşwazî kir.

NÛÇE

23 tebax, 2021 12:56

NAVENDA NÛÇEYAN

Beriya çend saetan cenazeyê yek ji fermandarên YPJ`ê Sosin Bîrhat gihaşt taxa Şêxmeqsûd a bajarê Helebê. Bi hezeran ji şêniyên taxê cenazeyê wê pêşwazî kir.

Bi dehan erebe û şêniyên taxê cenazeyê şehîd Sosin Bîrhat li kolanên sereke yên taxê gerand û dirûşmên şehîd namirin berz kir. Şêniyan cenaze ji Çerxerêya Şehîd Destîna ya taxa Şêxmeqsûd oxir kir da ku li Şehbayê were oxirkirin.

Li kantona Şehbayê û li ser xwesteka şehîd Sosin, bi dahol û zirneyan şêniyan karwanê cenazeyê şehîd Sosin pêşwazî kir. Şênî li navçeya Ehdas kom bûn û alên YPJ û YPG`ê hildan.

Paşê karwan ber bi Nexweşxaneya Avrîn a li bajarokê Fafînê ve ket rê û li wir dê şehîd Sosin li Goristana Şehîdên Berxwedana Serdemê ya li navçeya Ehresê were oxirkirin.

Şehîd Sosin Mihemed (Sosin Bîrhat) di encama topbarana dewleta Tirk a li ser navçeya Til Temirê de şehîd bûbû.

Hêjayî bibîrxistinê ye ku şehîd Sosin Bîrhat tev li berxwedana taxa Şêxmeqsûd jî bûbû.

(bx)

ANHA