Şehîdên Komkujiya Şiêtat hatin bi bîranîn

Çeteyên DAIŞ'ê di Tebaxa 2014'an komkujiyeke li dijî eşîra Şiêtat a gundê Ebû Hemam ê rojhilatê bajarê Dêrazorê pêk anîn.

Li qada komkujî li hatibû kirin merasîmê bîranîna şehîdên komkujiyê bi beşdarbûna nûnerên Rêveberiya Xweser a Bakur û Rojhilatê Sûriyê, nûnerên meclisên sivîl û leşkerî, Mala Jinê, meclisên herêmî yên Dêrazorê, bi sedan şêniyan û malbatên şehîdan li goristana Şehîdan gundê Ebû Hemam hate lidarxistin.

Merasîm bi torana leşkerî dest pê kir. Ji rûspiyên eşîra Şiêtat Nasir El-Deram bi xêrhatina beşdaran kir û behsa kêliyên komkujiyê kir. El-Deram berxwedana QSD'ê ya li dijî çeteyên DAIŞ'ê silav kir û got: "Em gelên Bakur û Rojhilatê Sûriyê mil bi mil bi QSD'ê re ne heta ku navenda terorê û şandeyên wê were rûxandin."

Li ser navê QSD'ê, ji fermandarên Meclisa Leşkerî ya Hecînê Îbrahîm El-Casim jî şehîdên komkujiyê bi bîr anîn û sersaxiyê ji eşîra Şiêtat û tevahê gelên Bakur û Rojhilatê Sûriyê re xweset. Her wiha  serhildana eşîrê li hemberî DAIŞ'ê silav kir û got: "Kombûna gel û eşîrên herêmê li derdora QSD'ê hişt ku DAIŞ'ê têk biçe."

El-Casim di dawiya axaftina xwe de soza şopandina xeta şehîdan da.

Bi navê Rêveberiya Xweser, cîgirê Hevserokatiya Meclisa Rêveber a Rêveberiya Xweser a Bakur û Rojhilatê Sûriyê Hemdan El-Ebid dilovanî ji giyanê şehîdên komkujiyê re xwest. Her wiha îşaret bi rola mezin a jinan di parastina xaka herêmê de kir.

Di berdewama merasîmê de nûnerê Rêveberiya Sivîl a Dêrazorê Samir El-Şemerî axivî, bal kişand ser sûcên ku çeteyên DAIŞ'ê bi navê îslamê li herêmê pêk dianîn, kir.

Bi navê Partiya Sûriya Pêşerojê jî Ehmed El-Sultan axivî, sersaxî ji eşîra Şiêtat re xwest û rola QSD û pêkhateyên herêmê di têkbirina DAIŞ'ê de destnîşan kir.

Merasîm bi çalakiyên hunerî yên Koma Şehîd Hevrîn Xelef bi dawî bû.

ANHA

<iframe width="560" height="315" src="https://www.youtube.com/embed/Gyb-w0h4tXY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>