Ciwanên şoreşger ên Reqayê fermana li Şengalê şermezar kir

Bi pêşengtiya Tevgera Ciwanên Şoreşger a Sûriyê û Yekitiya Jinên Ciwan ên Reqayê  meşeke girseyî bi boneya salvegera 7'an a fermana 3'yê Tebaxê ya li ser civaka êzidî ya Şengalê hate lidarxistin. Meş ji çerxerêya El-Neîm ber bi stada Eswed ve dest pê kir.

Di meşê de diruşmên dilsoziya bi şehîdan re û şermezarkirina komkujiyê hatin berzkirin.Meş li stada Eswed vegerî mîtîngê, ji bo bîranîna şehîdan deqeyeke rêz hate girtin û bi navê ciwanên şoreşger daxuyaniyek hate xwendin.

Endama Yekitiya Jinên Ciwan Kewser El-Elî daxuyanî xwend û got: "Destpêkê em komkujiya ku DAIŞ’ê di 3’yê Tebaxa 2014’an de li dijî Şengalê kiriye şermezar dikin. Her wiha hevkariya hikumeta Barzanî, vekişîna hêzên xwe ji Şengalê û hiştina êzidiyan li beramber komkujiyê şermezar dikin."

Kewser El-Elî îşaret bi berxwedana HPG, YPJ û YPG’ê li hember DAIŞ’ê kir û diyar kir ku van hêzan êzidî ji pencên çeteyan xilas kirin.

Kewser El-Elî bang li civaka navneteweyî kir ku komkujiya li dijî civaka êzidî nas bike û xweseriya Şengalê qebûl bike.

Her wiha Kewser El-Elî bang kir ku tevahiya kir ku tev li tevgerên azadîxwaz ên sivîlan diparêzin, bibin.

Stada Eswed yek ji nuqteyên ewlehî ya herî xurt li gel rêxistina DAIŞ’ê bû û bi nuqteya 11’an dihat naskirin. Li vê stadê sûc û kiryarên firotina jinên êzidî dihatin kirin û wekî mezintirîn girtîgeha DAIŞ’ê dihat naskirin.

(fr)

ANHA