Rêveberiya Minbicê li daxwazên şêniyan guhdar kir

Rêveberiya Sivîl a Demokratîk a Minbicê di 31`ê Tîrmeha borî de dest bi rêze civînên ji şêniyên gundewarê Minbicê re kir. Duh rêzecivînên xwe di hundirê bajêr de, bidawî kir.

Civîn li xeta rojhilat û rojava hatin lidarxistin. Bi dehan şênî her wiha hevserokên komîn, meclisên herêmî û nûnerên Rêveberiya Sivîl beşdarî civînan bûn.

Her wiha Rêveberiya Sivîl a Demokratîk a Minbicê û gundewarên wê bi Meclisa Leşkerî ya Minbicê, Hêzên Ewlekariya Hundirîn, Kombûna jinên Zenûbiya, Meclisa Edaleta Civakî û rêveberiya meclisên xetan, ji bo lidarxistina civînan, di nava hevkariyê de bû.

Di civîna xeta rojhilat de ji rêveberên ewlehiya dergehan a Minbicê Ednan Îbrahîm behsa rewşa herêmê bi giştî, ya Minbicê bi taybet kir û ev tişt got: "Tişta ku li Minbicê qewimî bûyerin rêxistinkirî bû. Armanca wê ku ewlehî û aramiya li Bakur û Rojhilatê Sûriyê xira bike."

Hevseroka Meclisa Rêveber a Minbicê Nezîfe Xelo jî wiha axivî: "Armanca me ji lidarxistina van civînan ku em li nêrîn û pêşniyaran bi giştî guhdar bikin da ku em mekanîzmeya xebatê rêveberiyên Minbicê pêş bixin."

Nezîfe di axaftina xwe de behsa girîngiya hevkariya di navbera rêveberî û pêkhateyên herêmê de kir da ku bajarê wan bibe nimûneyek li giştî Sûriyê.

Paşê nîqaş der barê girîngiya başbûna nan, peydakirina derman, sotemenî û zêdekirina saetên dayîna kehrbeyê hate kirin.

Nûnerên rêveberiyê xwestekên gel û rexneyên wan kom dikin da ku wan çareser bikin.

(bx)

ANHA