Fransa: Welatên rojavayî dê alîkariya ji bo Sûriyê rawestîne heger li ser sînor neyên radestkirin

li gorî Associated Press, Fransa hişyarî da Rûsiya ku heke tenê radestkirina arîkariyên mirovî li ser xetên nakokiyên hundurê Sûriyê û ne ji welatên cîran were rêdan, dê welatên rojavayî fonan rawestînin,.

Balyozê Fransa li Neteweyên Yekbûyî, serokê Meclisa Ewlehiyê Nicolas de Riviere di civînek çapemeniyê de got gelê Sûriyê hewceyê arîkariya mirovî ne ku nikarin li ser xetên nakok bi miqdarên têr li gorî rewşa heyî ya li welat.

Nicolas de Riviere dema ku Meclisa Ewlehiyê dest bi dan û standinên der barê pêşnûme biryarnameyê ji bo domandina gihandina alîkariyan bi riya dergeha Bab El-Hewa kir, her wiha ji nû ve vekirina dergehê Til Koçer a sînorî ji Iraqê ber bi bakurê rojhilata Sûriyê ve, ya ku di Çileya sala 2020'an de bi israr Rûsyayê hate girtin.

Erkdarkirina şandina alîkariyê bi rêya Bab El-Hawa di 10'ê Tîrmehê de bi dawî dibe û Rûsya di bin zexteke giran a Neteweyên Yekbûyî, DYA, Ewropa û yên din de ye.

Balyozê Fransî got: "Min gelek caran got % 92 ji arîkariya mirovî ya ji bo Sûriyê tête bi piranî ji hêla Yekîtiya Ewropî, Dewletên Yekbûyî, Kanada û Japon ve tê peyda kirin, nabe ku tu kes hêvî bike ku ev drav li xetên nakokiyê ji nû ve werin veqetandin. "

De Riviere got: "Ev vebijarkek dijwar e, em hêvî dikin ku em bikaribin şandina arîkariya mirovî li Sûriyê berdewam bikin".

(dx)