Şêniyên Kobanê sersaxî da malbata şehîd Şervan Kobanê

Bi sedan şêniyên kantona Kobanê û gundewarên wê, endamên Meclisa Malbatên Şehîdan a Firatê, nûnerên saziyên civaka sivîl û leşkerî berê xwe da gundê Solan ê Kobanê û sersaxî ji malbata şehîd Şervan Kobanê re xwest ku di berxweda Metînayê de şehîd bûbû.

Konê sersaxiyê li pêşiya malaşehîd Şervan hate vedan. Her wiha malbata şehîd û hevalên wî bi dirûşmên silavkirina berxwedana gerîla û şehîdan pêşwaziya şêniyan kir.

Merasîmê bi rêzgirtinê dest pê kir, piştre li ser navê malbata şehîd Bekir Hac Îsa got: "Şehîd di dîrokê de xwedî cihekî bilind in, her wiha bi saya şehîdan me destkeftiyên mezin bi dest xistine."

Hac Îsa wiha dom kir: “Îro ji bo gelê Kurd azad bibe û axa xwe biparêzin em şehîdan didin, ji ber ku em xwedî hêz û xwedan proje ne. Bi saya şehîdên xwe me DAIŞ li Bakur û Rojhilatê Sûriyê têk bir û bi saya fedakariyên wan me rê li ber gelek welatên mezin vekir ku dan û standinê bikin û têkiliyên xwe bi me re geş bikin.”

Şehîd Mehmûd Îsa (Şervan Kobanê) di 18'ê Nîsanê de, di şerê li herêma Metîna ya Başûrê Kurdistanê de şehîd bûbû.

(dx)

ANHA

<iframe width="560" height="315" src="https://www.youtube.com/embed/_R5KXQO47SQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>