Koçberên Waşûkanî tecrîda li ser rêber Abdullah Ocalan şermezar kir

Koçberên kampa Waşûkanî ya girêdayî kantona Hesekê, tecrîda li ser rêber Abdullah Ocalan bi xwepêşandanekê şermezar kir.

8 gulan, 2021 11:19

HESEKÊ

Meclisa kampa Waşûkanî bi koordîneya Kongreya Star xwepêşandanek organîze kir.

Bi sedan koçberên Waşûkanî tev li meşê bûn û heta têketina sereke ya kampê dewam kir. Xwepêşandêran sloganên ku sûcên dagirkeriya Tirk şermezar dike, berz kirin.

/kr/uploads/files/2021/05/08/112206_dsc_0043-large.webp

Di têketina kampê de, meş veguherî mitîngê. Ji endamên rêveberiya Kongreya Star Besîme Mihemed axivî û tecrîda li ser rêber Abdullah Ocalan hatiye ferzkirin, şermezar kir. Besîme wiha got: “Em tevahî kiryarên li dijî mirovahiyê ku ji aliyê dewleta Tirk ve li dijî gel û azadiya wê tê meşandin, şermezar dikin.”

Besîme Mihemed anî ziman ku dewleta Tirk bi tecrîda li ser rêber Abdullah Ocalan û qedexeya hevdîtina wî bi malbat û parêzeran re, hewl dide vîna gelan bişikîne. Besîme destnîşan kir ku her ku ew banga azadiya rêber Abdullah Ocalan dikin, her ku diçe êrişên dewleta Tirk a dagirker li dijî xaka Kurdistanê zêde dibin.

Mitîng bi bezkirina sloganên şermezarkirina dewleta Tirk û silavkirina berxwedana rêber Abdullah Ocalan bi dawî bû.

(dm)

ANHA