Malda Kûse di duyemîn salvegera şehadeta wê de hat bibîranîn

Kongreya Star bi hevkariya Navenda Jineolojî merasîma bîranînê li dar xist. Bi dehan endamên her du saziyan û Meclisa Malbatên Şehîdan beşdarî merasîmê bûn.

Şehîd Malda Kûse sala 2019`an li ser rêya navçeya Holê ya Hesekê bi mayîneke ku di erebeya wê de teqiya, şehîd bû. Merasîma bîranînê li goristana gundê Şercê yê li ser rêya Sefya hate lidarxistin.

Di merasîmê de endama Navenda Jineolojî ya Hesekê Baran Rojhilat aixvî û diyar kir ku şehîd Malda bi hêz û vîna xwe gelek endam ji tevahî pêkhateyan perwerde û bi rêxistin kirin û bandoreke mezin li wan kir.

Baran wiha axaftina xwe domand: "Şehîd Malda pêşengê me ye. Ew xwedî moralên bilind bû û di pêkanîna armancên azadiya jinan û civakê de bi îsrar bû.”

Baran her wiha destnîşan kir ku ew bi şehadeta Malda serbilind in û soza şopandina rêya şehîd Malda û hemû şehîdên azadiyê nû kir.

Di dawiya merasîmê de, endama Meclisa Malbatên Şehîdan Rojda Ehmed wesîqeya şehîd Malda xwend û dirûşmeyên dilsoziya bi şehîdan re hatin berzkirin.

(dx)

ANHA

<iframe width="560" height="315" src="https://www.youtube.com/embed/KUL2Pftj7lo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>