Şêniyên Efrînê piştgiriya xwe ji gerîlayan re nîşan da

Bi dirûşmeya "Bi rihê berxwedana Garê em ê dagirkeriya Tirk têk bibin, Garê ji bîr nekin", bi dehan şêniyên herêma Efrînê ji Kurd, Ereb û Tirkumen daketin qadan û êrişên dewleta Tirk a dagirker ên li dijî Herêmên Parastinê yên Medyayê şermezar kirin.

Şênî li çerxerêya naverasta navçeya Til Rifetê bi berzkirina sloganên"Bijî berxwedana Hêzên Parastina Gel a  li çiyayê Kurdistanê, na ji bêdengiya civaka navneteweyî ya li hemberî êrişên dewleta Tirk ên li dijî Herêmên Parastinê yên  Medyayê" dest bi meşê kir.

Meş li çerxerêya şehîdên komkujiya Til Rifetê veguherî mîtîngê û ji bo bîranîna şehîdan deqeyeke rêz hate girtin.. Di mîtîngê de endamê Meclisa Navçeya Til Rifetê Ridwan El-Rifaî axivî û got, piştî ku artêşa Tirk a dagirker li Heftenîn û Garê bi bin ket, êrişî herêmên Avaşîn, Zap û  Metînayê dike, da ku herêmê dagir bike.

Ridwan El-Rifaî diyar kir ku piştî Amerîkayê îtîraf bi komkujiya li dijî Ermenan kir, dewleta Tirk hovîtiya xwe zêdetir kir êrişî Herêmên Parastinê yên Medyayê kir.

El-Rifaî di dawiya gotina xwe de da zanîn ku şêniyên Efrînê ji Kurd, Ereb û Tirkumen piştgiriya xwe ya ji berxwedana hêzên gerîla re ya li çiyayê Kurdistanê nîşan didin û bêdengiya civaka navneteweyî  ya  li hemberî êrişên dijminê Tirk şermezar dikin.

Mîtîng bi sloganên "Bijî berxwedana gerîla" bi dawî  bû.

(eh)

ANHA

<iframe width="560" height="315" src="https://www.youtube.com/embed/nN7oZ6ucVg4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>