Jinên ciwan ên Minbicê bi boneya rojbûna rêber Ocalan meşeke meşaleyan li dar xist

Bi dehan jinên Minbicê, endamên saziyên taybet bi jinan beşdarî meşê bûn û wêneyên rêber Ocalan, alên Yekitiya Jinên Ciwan û meşale rakirin. Meş ji ber Çerxerêya Mîzan a li rojavayê bajêr dest pê kir û meşvanan diruşmên "Azadî ji Ocalan re" berz kirin.

Meş li yarîgeha Beledî ya li naverasta bajarê Minbicê veguherî mêtîngê û li wir, endama Yekitiya Jinên Ciwan Şehed Himêdî daxuyanî xwend.

Di daxuyaniyê de wiha hate gotin:

"Bi navê Jinên Ciwan ên Minbic û gundewarên wê, em 4`ê Nîsanê ku roja rojbûna rêber Abdullah Ocalan e li tevahiya gel pîroz dikin, bi hilatina berbangeke nû û derketina roja Nîsanê re rêber Abdullah Ocalan ji dayik bû û pê re jî mirovahî ji dayik bû, em di vê rojê de wê kesayeta mezin bi bîr tînin.

Rêber Ocalan ji bo parastina hemû gelan xwe feda kir, ev rêberekî neteweyî û rêberekî mirovahiyê ye ku ji zaroktiya xwe ve li hemberî hişmendiya desthilat şer kir.

Fikirê rêber Ocalan ji bo hemû gelan rêya azadî û têkoşînê ronî kir û tarîtiya li ser hemû gelan rakir. Di heman demê de bi rêya pêşniyarkirina fikirê neteweya demokratik şerê modernîteya kapîtalîst kir. Fikireya neteweya demokratîk tevahî netewe, ol û bawerî dihewîne.

Ev kesayetê mezin di dîroka mirovahiyê de yekemîn kesayetê ku girîng da doza jinan, ev jî ji dozên girîng e û li Rojhilata Navîn paşguhkirî bû. Rêber Ocalan hevrêyê jinan e û piştgiriya jinan dike, her wiha mafên wan da û jiyana trajedîk red kir, li aliyekî jî rêber Ocalan hêzê di kesayeta jinan de dibîne.

Îro û bi saya rêberê me jinan mafên xwe standin û di nava civakê de û hemû qadan rolek lîst, va em dibin şahid ku jinên bajarê Minbicê rêya azadî û têkoşînê dişopînin, tev li hemû qadên civakî, aborî, siyasî û leşkerî bûne û  roleke aktîf lîstin. Jinan baweriya xwe bi karînên xwe anîn û rêber Ocalan wekî pêşengê xwe dibînin."

Di dawiyê de diruşma "Bijî rêber Ocalan û azadî ji rêbertî re" hatin berzkirin..

(eh)

ANHA