‛Piştevaniya hêzên herêmî û neteweyî ji çeteyan re, vejandina DAIŞ’ê ye’

Berdevkê fermî yê Meclisa Leşkerî ya Suryanî Aram Hena diyar kir ku dewleta Tirk û çeteyên wê bi rasthatina salvegera 2’yemîn a têkbirina DAIŞ’ê, êrişên xwe li dijî Eyn Îsayê zêde kirin. Her wiha got, çi hewldanên herêmî yan jî navneteweyî ji bo piştevaniya çeteyan tê wateya vejandina DAIŞ’ê.

25 adar, 2021 07:08

HESEKÊ-DIYAR EHMED

Bi salvegera 2’yemîn a têkbirina rêxistina DAIŞ’ê ji aliyê leşkerî û bidawîkirina wê di berîka dawî ya bajarokê Baxozê ji aliyê QSD’ê de, êrişên dewleta Tirk a dagirker û çeteyên wê li dijî bajarokê Eyn Îsayê bi tevahî çekan bi hewldana qutkirina rêya M4 dijwar bûn.

Digel êrişên dijwar ên dagirkerî û çeteyên wê li dijî bajarokê Eyn Îsayê, QSD’ê berxwedaneke mezin li dijî êrişan pêk anîn û nehişt çete bi pêş bikevin û zirarên mezin gihandin çete û cebilxaneyên wan.

Têkildarî mijarê, berdevkê fermî yê Meclisa Leşkerî ya Suryanî Aram Hena li ser êrişên dewleta Tirk a dagirker ên li dijî Eyn Îsayê digel salvegera 2’yemîn a bidawîkirina DAIŞ’ê û bêdengiya rûsî ya li hember êrişan de, axivî.

Aram Hena destpêkê Newroz li tevahî gelên herêmê pîroz kir û wiha got: "Em bi hêvî ne ku meşaleya Newrozê me ber bi azadiyê ve bibe û ji destpotiyê rizgar bike. Dê Newroza bê bibe Newroza azadî, rizgarkirina herêmên dagirkirî û vegera gelê me li Efrîn, Serêkaniyê û Girê Spî."

‛GURKIRINA ÊRIŞAN’

Hena salvegera 2’yemîn a ragihandina serkeftinê li dijî çeteyên DAIŞ’ê di berîka dawîn li Baxozê de bi bîr anî û wiha axivî: "Em bi awayekî koordînakirî bi hevkarên xwe yên navneteweyî re di çarçoveya ku rêxistina DAIŞ’ê ji nû ve xwe bi rêxistin neke de, digel êrişên dagirkirî û çeteyên wê li dijî herêmên Bakur û Rojhilatê Sûriyê, dixebitin."

Aram Hena wiha domand: "Di van rojên dawîn de, dewleta Tirk a dagirker û çeteyên wê êrişên xwe li dijî bajarokê Eyn Îsayê de bi çekên giran û hewayî dijwar kirin. Armanc jê jî qutkirina rêya M4 e. Lê belê berxwedaneke mezin ji hêla QSD’ê ji bo têkbirina êrişan pêk hat. Bi wê re dagirkerî û çeteyên wê zirarên canî û madî dîtin."

‛HÊZÊN RÛSYAYÊ BERPIRSIYAR IN’

Berdevkê fermî yê Meclisa Leşkerî ya Suryanî Aram Hena wiha gotina xwe berdewam kir: "Ji dema derbasbûna herêmê de, helwesta Rûsyayê lawaz e û nikare bi berpirsiyariya xwe ya parastina herêmê û rawestandina êrişan nîşan bide, her wiha em berpirsiyariya parastina ewlehiya herêmê hildigirin ser civaka navneteweyî jî."

Hena wiha pê de çû: "Hevkariya me û ya civaka navneteweyî ji bo dîtina çareyeke dîplomasî ji bo rizgarkirina herêmên dagirkirî heye. Lê heke tu çare tune bin, em hêzên Meclisa Leşkerî ya Suryanî û QSD’ê dikarin herêmên dagirkirî bi şêweyekî leşkerî rizgar bikin."

‛TÊKILIYA DI NAVBERA TIRKIYÊ Û DAIŞ’Ê DE’

Bi salvegera 2’yemîn a têkbirina rêxistina DAIŞ’ê li berîka dawî bi destê QSD’ê re, dewleta Tirk a dagirker û çeteyên wê êrişên dijwar li dijî bajarokê Eyn Îsayê pêk anîn."

Girêdayî mijarê, Hena wiha axivî: "Em têkiliya xurt a di navbera dewleta Tirk a dagirker û rêxistina DAIŞ’ê ya terorîst de baş dizanin û ev yek ji raya giştî ya cîhanê re ne veşartî ye ku dewleta Tirk piştgiriya rêxistinên terorîst dike, jê jî DAIŞ’ê. Her wiha bi destpêkirina êrişên li dijî herêmên Bakur û Rojhilatê Sûriyê, mîna di 2012’an de li dijî bajarê Serêkaniyê pêk hatiye dewleta Tirk a dagirker sînorê xwe ji terorê re vekir û di êrişên rêxistinên terorîst li dijî Til Temirê ya 2015’an de jî deriyên xwe ji DAIŞ’ê re vekirin."

Hena diyar kir ku îro sûc û êrişên dewleta Tirk a dagirker dûbare dibin, da ku aramî û ewlehî li herêmê pêk neyên, her wiha nahêle têkoşîna li dijî terorê û fikireya ku pêkhateyên Bakur û Rojhilatê Sûriyê bi rê ve dibin, pêk bê.

‛VEJANDINA DAIŞ’Ê’

Aram Hena da zanîn ku çi hewldana herêmî yan jî navneteweyî ji bo piştevaniya çeteyên girêdayî dewleta Tirk a dagirker di çarçoveya piştgiriya teror û vejandina rêxistina DAIŞ’ê de ye û bi wê re jî derfetê li pêş êriş û tevliheviya ewlehî û aramiyê vedike.

Hena bang li tevahî gelên herêmê kir ku li dora QSD’ê ya ku bi saya keda şehîdên xwe rewabûn wergirtiye, bicivin û wiha pê de çû: "Em hêzên leşkerî yên li Bakur û Rojhilatê Sûriyê ji gelê xwe re piştrast dikin ku Efrîn, Girê Spî û Serêkaniyê di plansaziya me ya rojên pêş de ye."

‛BERXWEDANA EYN ÎSA RÛYÊ RÊGEZA HÊZÊN QSD’Ê YA PARASTINA HERÊMÊ EŞKERE DIKE’

Têkildarî berxwedana QSD’ê ya li hember êrişên dewleta Tirk a dagirker û çeteyên wê li Eyn Îsayê Aram Hena wiha got: "Berxwedana hêzên me li Eyn Îsayê, rêgeza bingehîn a QSD’ê di parastina welat, herêm, gel û pîroziyên wê de ye."

Hena wiha gotina xwe bi dawî kir: "Em berxwedana QSD’ê ya têkoşîna li dijî terorê û bersivdana êrişên dewleta Tirk a dagirker, silav dikin."

(fr)

ANHA