Di salvegera dagirkirina Efrînê de fîlmê "Sîka Çiyayê Kurmênc''

Malbenda Heleb a Rewşenbîrî bi wesîleya salvegera 3'yemîn a dagirkirina Efrînê de fîlmê bi navê " Sîka Şiyayê Kurmênc" pêşanda.

15 adar, 2021 15:23

HELEB

18'ê Adarê salvegera sêyemîn a dagirkirina kantona Efrînê ji aliyê dewleta Tirk a dagirker û çeteyên wê ve ye, bi vê wesîleya bi êş, Malbenda Heleb a Rewşenbîrî fîlmê bi navê "Sîka Çiyayê Kurmênc" pêşanda.

Fîlm li hola Civînan a Meclisa Sûriyê Demokratîk (MSD) a beşa rojhilata taxê Şêxmeqsûd bi beşdarbûna dehan şêniyên bajarê Efrînê û nûnerên rêxistinên sivîl hat pêşkêşkirin.

Fîlm balê dikişîne ser êrişên dewleta Tirk a dagirker û çeteyên wê yên li ser Efrînê, şehîdxistin û birîndarkirina sivîlan, rojên dawî yên beriya koçberkirina şênyian.

Fîlm di mîhrîcanên Akşî ya li Meksîko û Balbi, Babel, New York, Atîn û Rojava de hat pêşandan û xelatek stand.

Fîlm li 40 dewletên Ewropayê ji wan; Spanya, Îtalya, Fransa, Yewnanistan û Dewletên Yekbûyî ya Amerîkayê hate pêşandan.

Derhênerê fîlmê Azad Avdîk ji Serêkaniyê sala 1977'an ji dayik bûye, di çêkirina fîlman de dixebite, di heman demê de rêveberê şirîka" "Panos Film" a çêkirina fîlman e ku navenda wê li Serêkaniyê bû û piştî dagirkirina veguhest bajarê Qamişlo .

(dm)

ANHA