Meclisa Leşkerî ya Dêrazorê bi malbatên şehîdan re civiya

Meclisa Malbatên Şehîdan û Fermandariya Meclisa Leşkerî ya Dêrazorê bi malbatên şehîdan re civiyan. Di civînê de geşedanên li herêmê rû didin û rewşa malbatên şehîdan ên gundewarê Dêrazorê hatin nirxandin.

13 sibat, 2021 14:43

DÊRAZOR

Civîn li hola civînan a Meclisa Leşkerî ya Dêrazorê ya li herêma Kesra ya gundewarê rojava hate lidarxistin. Endamên rêveber ên Meclisa Malbatên Şehîdan, fermandarên Meclisa Leşkerî ya Dêrazorê û malbatên şehîdan beşdarî civînê bûn.

Civîn bi deqeyeke rêzgirtin dest pê kir. Ji fermandarên Meclisa Leşkerî ya Dêrazorê Dijwar Abdullah rewşa siyasî nirxand.

Abdullah îşaret bi planên dewleta Tirk a dagirker û hikumeta Şamê yên li herêmên Bakur û Rojhilatê Sûriyê kir û diyar kir ku herdu alî komên çete bi kar tînin da ku armancên xwe yên têkbirina ewlehî û aramiya herêmê pêk bînin. Dijwar Abdullah bal kişand ser tevliheviya ku endamên "Dîfaa El-Wetanî" yên girêdayî hêzên hikumeta Şamê û sûcên qetilkirina kesayetên eşîr û jinên pêşeng û diyar kir ku armanc ji van kiryaran têkbirina ewlehî û aramiya herêmê û derxistina tevliheviyê di navbera pêkhateyan de ye.

Piştre pirsigêrkên malbatên şehîdan û kiliyên wan hatin nîqaşkirin, di nav de alîkardayîna bi malbatên şehîda re.

Di dawiyê de, Meclisa Malbatên Şehîdan, mekanîzmeya belavkirinê danî ku ser malbatên herî hewcedarî dest pê bike.

ANHA