Duyemîn Komxebata Hiqûqî ya Efrînê dest pê kir

Bi sponseriya Rêxistina Lêkolîn û Mafên Jinan a Sûriyê, Rêxistina Însiyatîfa Hiqûqî, Navenda Rojava ya Lêkolînan Stratejîk, Rêxistina Mafên Mirovan a Efrîn-Sûriyê û Rêxistina Mafên Mirovan a Cizîrê, Komxebata Hiqûqî ya Duyemîn a der barê binpêkirinên dewleta Tirk û çeteyên wê li kantona Efrîn a dagirkirî de li bajarê Qamişloyê dest pê kir.

Hevseroka Meclisa Sûriya Demokratîk Emîne Omer, hevserokê Meclisa Rêveber a Rêveberiya Xweser Ebid Hamid El-Mihbaş, hevserokê Tevgera Civaka Demokratîk Xerîb Hiso, nûnerên rêxistinên hiqûqî (Rêxistina Maf û Dadê, Taaxî û Bêl), Mala Êzidiyan a herêma Cizîrê, Meclisa Jinên Sûriyê, Meclisa Jinan a Bakur û Rojhilata Sûriyê û Kongreya Neteweyî ya Kurdistanê beşdarî komxebatê bûn.

Komxebat dê 3 mijarên sereke nîqaş bike; a yekê; sûcên dewleta Tirk û çeteyên wê di qanûnên navneteweyî de, binpêkirinên dewleta Tirk û çeteyên wê li dijî jinan li Efrînê û çawaniya cezakirina kujeran li gorî qanûnên navneteweyî.

Her wiha dê li qurbaniyên dagirkeriya Tirk ên li Efrînê were guhdarîkirin.

Tê payîn ku Ebid Hamid El-Mihbaş axaftina vekirinê bike û li gorî komîteya amadekariyê axaftin dê der barê rewşa mirovahî ya li Efrînê de pêk bên.

(dm)

ANHA