Li Minbicê akademiyeke nû ya Hêzên Ewlekariya Hûndirîn hate vekirin

Bi beşdariya bi dehan endamên saziyên sivîl û leşkerî, îro merasîma vekirina akademiya nû ya Hêzên Ewlekariya Hundirîn hate li dar ket. Akadamî li ser navê Şehîd Şeiban Mihemed Yûsif hate binavkirin û yekemîn perwerde lê hate vekirin.

Di dewreya bi navê Şehîd Şeiban Mihemed Yûsif de, 60 endamên xort û keç ên Hêzên Ewlekariya Hundirîn hene, dê endam bi dema 30 rojî waneyên îdolojî yên li ser metoda neteweya demokratîk û yên leşkerî bistînin.

Di merasîma vekirinê de hevserokê Komîteya Hûndirîn a Meclisa Rêveber a Rêveberiya Sivîl a Demokratîk a bajarê Minbicê û Gundewarên wê Ebdo Mistefa axivî û wiha got: "Piştî endamên perwerde bi dawî kir, dê waneyên ku di perwerdeyê de standine, bi pratîkî di nava civakê de pêk bînin."

Her wiha endama rêveber a rêveberiya Hêzên Ewlekariya Hûdirîn- Jin Rema Osman jî axivî û da zanîn ku ev akademî dê destpêka pêkanîna serkeftin û destkeftiyan be, da ku ewlehî û aştî li hemû herêmên misoger bibe.

Merasîm bi radestkirina wêneyên Şehîd Şaban Mihemed Yûsif ji malbatê re bi dawî bû.

Şehîd Şeiban Mihemed Yûsif endamekî Hêzên Ewlekariya Hûndirîn a li Minbicê bû û di 20`ê Çileya 2018`an de di encama teqîna mayînekê de ku ji aliyê kesên nenas ve li kolana 30`yî ya li taxa Keçelî ya li Minbicê hatibû çandin, gihaşt asta şehadetê.

(eh)

ANHA

<iframe width="560" height="315" src="https://www.youtube.com/embed/Ja5skwzi1AU" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>