​​​​​​​Sivîlên ku rêya M4 bi kar tînin bi fikar in

Tevî garantiya Rûsya ya parastina sivîlên ku ji herêma Firatê diçin herêma Cizîrê yan ji herêma Cizîrê diçin herêma Firatê, lê belê leşkerên dewleta Tirk a dagirker û çeteyên wê êrişên li dijî herêmê dewam dikin û rêya M4 dikin armanc, her wiha sivîlên ku di vê rêyê re derbas dibin talan dikin. Ji lew ra şêniyên herêmê bi fikar in û baweriya wan bi hêzên Rûsya nemaye.

Piştî girtina rêyê zêdetirî 2 hefteyan ji ber êrişên dewleta Tirk ên li ser Eyn Îsayê, 2`yê Çileyê rêya M4 careke din hat vekirin. Lê belê tevgera li ser rêyê ne wekî her carê bû, ji herêma Firatê 44 erebeyan berê xwe dabû herêma Cizîrê, her wiha 5 erebeyan berê xwe dabû herêma Firatê.

Gelek rêwiyan metirsî û nebaweriya xwe bi hêzên Rûsyayê anîn ziman.

Memdûh Derwêş ê ji Kobanê got, ji ber dewamkirina êrişên dewleta Tirk li ser herêmê û bêdengiya hêzên Rûsya li hemberî wan êrişan, baweriya sivîlan bi hêzên Rûsya û garantiya wê nemaye.

Derwêş wiha axaftina xwe dewam kir: “Tevî ku hêzên Rûsyayê jî bi me re ne, lê ji ber çalakiyên talankirinê yên vê dawiyê li ser rêya M4 çêbûne û bêdengiya hêzên Rûsya li hemberî wê, her wiha ji ber êrişên domdar ên li ser Eyn Îsa û binpêkirinê dewleta Tirkm, em ditirsin ku di rêya M4 re biçin û bên.”

Şêniyê bi navê Hisên El-Neîmî ku berê xwe dida Eyn Îsayê piştrast kir ku rêwîtiyên di navbera herêma Firatê û herêma Cizîrê de kêm bûne.

El-Neîmî wiha axaftina xwe bi dawî kir: “Tevî ku em bi hêzên Rûsyayê re di rêya M4 re diçin û tên jî, lê em ji ber binpêkirinên dewleta Tirk pir zehmetiyan dikişînin. Ji lew ra em bang li hêzên Rûsya dikin ku artêşa Tirk a dagirker û çeteyên wê rawestîne û wan ji rêyê dûr bixe.”

)cx)

ANHA

<iframe width="560" height="315" src="https://www.youtube.com/embed/dfxyaIjqHOU" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>