Cenazeyê şehîdê QSD'ê Dexîl li Şedadê hate veşartin

Bi sedan şêniyên navçeya Şedadê cenazeyê şervanê QSD`ê Ehmed Dexîl ê ku dema li Dêrazorê li ser erka xwe bû, gihaşt asta şehadetê spart axê.

NÛÇE

31 kanûn, 2020 19:54

HESEKÊ

Girseya gel cenazeya şehîd Ehmed Dexîl ji pêşiya navenda Meclisa Malbatên Şehîdan a Hesekê wergirtin û bi karwanekî mezin ber bi goristana Şehîdan a li Şedadê ve ketin rê.

Li goristanê deqeyeke rêz hate girtin û şervanên QSD`ê toreneke leşkerî li dar xist.

Paş li ser navê Meclisa Leşkerî ya Şedadê, ji fermandaran Salih Zobee axivî û sersaxî ji malbata şehîd re xwest û wiha got:"Bila cîhan bi şahid be ku em bindestiyê qebûl nakin û ji bo azadiya xwe û ewlehiya herêmê me bi hezaran şehîd dane. Îro jî em bi şehîdên xwe serbilind in ku li dijî DAIŞ`ê şer kirin û me ji zilmê rizgar kirin, jiyana hevbeş û biratiya gelan li herêmê dan pêş."

Piştire Hevserokê Meclisa Malbatên Şehîdan Nacî Nicûm jî axivî û destnîşan kir ku şehîdan bi qehremaniya xwe efsane nivîsandin, komên çeteyan têk birin û xaka û gel rizgar kirin..

Niçûm soza şopandina rêya şehîdan da

Di dawiyê de endama Meclisa Malbatên Şehîdan Recwa Hertûş nasnameya şehîd xwend û radestî malbatê kir.

Paşê cenazeyê şehîd bi diruşmeyên "Şehîd namirin" hate veşartin.

(eh)

ANHA