Li Şedadê bi boneya sala nû şahiyek hate lidarxistin

Li dibistana Elawî Salih bi boneya sala nû şahiyek hat lidarxistin. Di şahiyê de bi dehan xwendekar û mamosteyên ji tevahî dibistanan, Komîteya Rêveberiya Dibistanên Şedadê û endamên saziyên sivîl amade bûn.

Di destpêka şahiyê de, hevserokê Komîteyê Rêveberiya Dibistanan a Şedadê Elaa Îbrahîm wiha got: "Armanc ji vê şahiyê ew e ku zarok kêfxweş bibin û ji hawaya klasîk bi der kevin. Li gel wê jî enerjiyên xwe yên hundirîn bi derxin, aktîf bikin û sûdê ji tevahî aliyên hunerî, werzîşî û hwd wergirin û zarokan teşwîqî parastina çand û hunera şêniyên herêmê bikin."

Li aliyekî din jî endamê rêveber ê Komteya Çalakiyan a Komeleya Şedadê Hesen Reca hatina sala nû li xwendekar û beşdaran pîroz kir û behsa bernameya şahiyê ya ji şano, stran, helbest, werzîş û zanabûnê pêk tê, kir.

Piştre xwendekarên ji gelek dibistanên Şedadê beşdarî şahiyê bûne, hunerên xwe pêşkêş kirin.

Di dawiya şahiyê de, hejmarek ji xwendekaran û hin mamoste hatin xelatkirin.

Reca da zanîn ku ew wek Komîteya Çalakiyan li Şedadê û bi destpêka sala nû re, dê gelek çalakiyên hunerî û lîstokî ji xwendekaran re pêşkêş bikin. Da ku xwendekaran teşwîqî geşkirina behreywên wan bikin, ku rihê pêşbirkê di navbera wan de were avakirin û bibe sedema derxistina enerjiyên xwe û ji hawaya şer bi der kevin.

Hejmarek ji xwendekaran jî, kêfxweşiya der barê şahiyê de raber kirin.

(fr)

ANHA