Rêveberiya Xweser sala nû li tevahî pêkhateyan pîroz kir

Têkildarî mijarê, Rêveberiya Xweser a Bakur û Rojhilatê Sûriyê bi rêya daxuyaniyeke hatina sala nû li tevahî pêkhateyên Sûriyê pîroz kir.

Di daxuyaniya Rêveberiya Xweser de wiha hate gotin:

"Çend saet mane ku derbasî sala nû ya 2021’an bibin û hê jî aloziya Sûriyê li dar e. Ew jî bêyî ku tu pêşdeçûn anjî çareyeke çêbibe. Lê ji bilî wê destwerdanên terorîst ên dewleta Tirk û çeteyên wê, gefxwarinên li ewlehî û aramiya Bakur û Rojhilatê Sûriyê zêde dibin. Ev pêşdeçûn neyênî, niyetên veşartî û nedurist ên çareserkirina aloziyê eşkere dikin.

Ji lew re berdewama dagirkeriya Tirk û sûcên wê yên dermirovî li dijî gelê Sûriyê û komplogeriya çeteyên wê, hêmanekî xetere û xencerekî bijehr li pişta sûriyan e.

Bi boneya hatina sala 2021’an, em tevahî pêkhateyên gelê Sûriyê pîroz dikin. Ji ber ev bone gelek wateyên mîna hezkirin, aştî û jiyana hevbeş dihewîne. Em soza xwe ya bilindkirina kedê di Rêveberiya Xweser Xweser a Bakur û Rojhilatê Sûriyê de ya bi hewldana sepandina rêgezên biratiyê nû dikin. Ji ber ev yek rêbaza yekane ya pêkanîna demokrasiyê ye. her wiha ji bo rizgarkirina herêmên dagirkirî û vegera şêniyên koçber li warên wan, bi israr in.

Ji lew re divê tevahî aliyên Sûriyê, cidiyet û berpirsiyariyê ya bidawîkirina azaran di sala nû de eşkere bikin û ji bo demokrasî, edalet, wekhevî û bidawîkirina dagirkeriyê amade bin.

Li dawiyê bidûrxistina Rêveberiya Xweser û înkarkirina mafên gelê wê, ew e ku rêgezên guhartin û vegera demokrasiyê li Sûriyê tê armanckirin.

Em bi hêvî ne sala nû bi xwe re xêrê ji tevahî û welatê Sûriyê re bîne û bibe saleke dûrî şer û wêrankirin.

Her sal gelê me yê li hundir û derve bi xêr be."

(fr)

ANHA