Xwendekarên Efrînê êrişên li ser Eyn Îsayê şermezar kirin

Tevgera Xwendekarên Demokratîk ên Herêma Efrînê bi hevkariya Tevgera Ciwanên Şoreşger a Sûriyê şaxê herêma Efrînê ji bo şermezarkirina êrişên dewleta Tirk ên li ser navçeya Eyn Îsayê û siyasetên PDK'ê yên li dijî gelê Kurd meşek li dar xist.

Meşa ku bi sedan xwendekarên herêma Efrînê tevlê bibûn, ji qada Bazar a naverasta navçeya Til Rifetê dest pê kir. Xwendekaran alên Tevgera Ciwanên Şoreşger a Sûriyê, posterên rêber Abdullah Ocalan, pankartên bi nivîsên "Dem dema azadiyê ye", "Bimire îxaneta PDK" û"Bijî berxwedana HPG" vekirin.

Meş di kolanên navçeyê de dewam kir û diruşmeyên silavkirina berxwedana Heftanînê û berxwedana greva birçîbûnê ya girtiyan hatin berzkirin.

Xwendekaran li çerxerêya navçeyê rawestiyan û deqeyeke rêz girtin.

Endama Tevgera Xwendekarên Demokratîk a Herêma Efrînê Rîm Dada bi zimanê kurdî daxuyanî xwend.

Rîm Dada bêdengiya navneteweyî ya li hemberî êrişên dewleta Tirk û çeteyên wê yên li ser Eyn Îsayê şermezar kir û got ev êriş wê neghêje armancên xwe.

Rîm siyasetên PDK'ê yên li dijî gelê Kurd û hevkariya wê ya bi dewleta Tirk re da ku êrişên gerîlayên HPG'ê bike, şermezar kir. Her wiha bang li tevahî ciwanan kir ku li hemberî dagirkeriya Tirk bisekinin û destkeftiyên şoreşa Rojava biparêzin.

Di dawiyê de, diruşmeyên şermezarkirina îxanetê û silavkirina berxwedanê hatin berzkirin.

ANHA