'Divê piştevaniya berxwedêrên di girtîgehên Tirkiyê de bê kirin'

Koordînasyona Komeleya Jinên Kurdistan (KJK) di 27’ê Mijdara borî de dest bi pêngava bi diruşma"Li dijî qirkirina jinê dema parastina civakê û jinên azad e" kir. Armanca pêngavê tecrîda li dijî rêber Ocalan bi dawî bike, azadiya wî û azadiya jinan û tevahî gelan pêk bîne.

Di 16’ê vê mehê de, koordînasyê KJK'ê  bang li gel û jinan kir ku xwedî li berxwedêrên zindanan derkevin û bi xurtî tevlî pêngavên azadiyê bibin.

Endama Koordînasyona Kongreya Star a  kantona Hesekê Bêrîvan Îsmaîl destnîşan kir ku tecrîda li dijî rêber Ocalan, tecîrda li dijî tevahî gelên têkoşer û azadîxwazan e.

Bêrîvan Îsmaîl da zanîn ku tecrîd bi taybet li dijî jinan e, ji ber ku azadiya rêber Abdullah Ocalan azadiya jinan û fikira wan e.

 Pêngava greva birçîbûnê ya girtiyên siyasî yên di girtîgehên dewleta Tirk de, mîna serhildana jin û gelê Kurd ên ku parastina dîrok, çand, rûmet û azadiyê dikin

 ‘DIVÊ HER KES PIŞTEVANIYA BERXWEDANA GIRTÎGEHAN BIKIN’

Bêrîvan Îsmaîl eşkere kir ku azadiya rêber Ocalan azadiya tevahî civakê. ji ber bingeha civakê, malbata demokrat, ferdê azad û jina azad e.

Bêrîvan Îsmaîl bang li tevahî jinên cîhanê kir ku xwedî li berxwedana têkoşerên di girtîgehên Tirkiyê derkevin û wiha pê de çû: "Azadiya rêber Abdullah Ocalan, azadiya tevahî jinan û pêkhateyên bi hev re li gorî rêgezên neteweya demokrat dijîn."

Çalakiya greva birçîbûnê yên girtiyên siyasî yên di girtîgehên dewleta Tirk de, ji bo bidawîkirina tecrîda li dijî rêber Ocalan û bidawîkirina sûcên desthilatên Tirk li hundirê girtîgehan, berdewam e.

(fr)

ANHA