Dibistana Şehîd Qehreman Efrîn a Kurdî pêwîstiyên xwendekaran cih tîne

Komîteya Perwerdeya Civaka Demokratîk (KPCD) bi armanca pêşxistina qada perwerde û fêrbûna bi zimanê dayikê yekemîn dibistana fêrkirina zimanê kurdî li taxa Şêxmeqsûdê bi navê Şehîd Qehreman Efrîn vekir. Dibistan li ser banga malbatên xwendekaran di 7`ê Cotmeha 2018`an de hate vekirinlê hate kirin.

Di sala sêyemîn a vekirinê de, dibistanê dest bi pêşwaziya xwendekarên qonaxa amadehî kir.

Rêveberiya dibistanê mamosteyên hemû branşan meteryalên amadehî bi herdu beşên xwe (Wêjeyî û Zanistî" perwerde kirin.

Li gorî rêveberiya dibistana Şehîd Qehreman Efrîn hejmara xwendekarên îsal zêdetirî 300 xwendekarî ye û hîn hin malbat zarokên xwe dişînin dibistanê da ku fêrî zimanê dayikê bibin.

DIBISTAN PÊWÎSTIYÊN XWENDEKARAN DABÎN DIKE

Dibistana Şehîd Qehreman Efrîn hemû pêwîstiyên xwendekaran ji pênûs, lênûs û çenteyan dabîn dike û li wan belav dike. Par hejmara pirtûkan kêm bû û têra tevahî xwendekaran nekir, lê îsal pirtûk li hemû xwendekaran hatin belavkirin.

Mamoste û Endama Rêveberiay Dibistana Şehîd Qehreman Efrîn, Şêrîvan Mihemed axivî û ev yek got:"Rêveberiya dibistanê hewl dide qada perwerdeyê pêş bixîne. Sal bi sal hejamra xwendekarên dixwazin xwe fêrî zimanê dayikê bikin zêdetir dibe û ji bo hemû branşan mamosteyên me hene."

Mamoste Şêrîvan Mihemed da zanîn ku ew bi hemû derfetên xwe alîkariya xwendekaran dikin, da ku zehemtiyan nekişînin û erebeyan ji wan re peyda kirin. 

Têkildarî girîngiya fêrbûna bi zimanê kurdî, Şêrîvan Mihemed ev yek destnîşan kir:"Em hemû Kurd in û tu cudabûn di navbera me de tune ye, heke em xwe nas nekin ew ê tu kes me nas neke, di heman demê de kesê li hemberî vê fikirê derdikeve, ew xwe nas nake."

Dayika bi navê Fatima Îso ya ji beşê rojava yê taxa Şêxmeqsûdê navê 3 zarokên xwe li dibistanê tomar kir û wiha got:"Min her 3 zarokan xwe anîn dibistana Şehîd Qehreman Efrîn, ez hêvîdar im ku hemû zarokên min fêrî zimanê dayikê bibin."

(eh)

ANHA

<iframe width="560" height="316" src="https://www.youtube.com/embed/VZITWwSnjlI" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>