Şêniyên herêma Cizîrê ji bo Şengalê daketin qadan

Piştî daxuyaniya Meclisa Xweseriya Demokratîk a Şengalê (MXDŞ) ya têkildarî amadekariyên hikumeta Bexda û PDK'ê ya derbaskirina 10 hezar leşker ji bo Şengalê û banga wê ya ji bo xwedîderketina li Şengalê, li gelek bajar û navçeyên herêma Cizîrê gel daketin qadan.

Li Qamişlo, Dêrik, Amûdê, Tirbespiyê û Girkê Legê bi sedan kes daketin qadan û piştgiriya xwe ji bo Şengalê nîşan dan.

Xwepêşandan veguherîn mîtîngê û gelek axaftin hatin kirin.

Di axaftinan de hate bi bîr xistin ku kesên Şengalê di pençên çeteyên DAIŞ'ê hiştin û reviyan niha amadekariyên derbsbûna Şengalê dikin.

Her wiha hate gotin ku gelên Bakur û Rojhilatê Sûriyê li hemberî  komployên li ser Şengalê têne kirin, bi civaka Êzidî û tevahî pêkhateyên Şengalê re ne.

Mîtîng bi berzkirina diruşmeyên silavkirina berxwedana Şengalê û banga pêkanîna yekitiya kurdî li hemberî hemû komployan bi dawî bûn.

ANHA

<iframe width="560" height="316" src="https://www.youtube.com/embed/IcajuzAjX-c" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>