Rûsya û Tirkiyê derbarê Sûriyê de danûstandin pêk anîn

Medyaya Rûsî eşkere kir ku nûnerê taybet ê Serokê Rûsya Vladimir Putin di gel Cîgirê Wezîrê Derve yê Tirkiyê rewşa Idlib, danûstandinên Astana û mijara penaberên Sûriyê gotûbêj kirin.

13 mijdar, 2020 16:32

NAVENDA NÛÇEYAN

Nûnerê Taybet ê Serokê Dewleta Rûsya ji bo Sûriyê Alexander Lavrentiev û Cîgirê Wezîrê Derve yê Tirkiyê Sadat Onal, rewşa Idlib û torên Astana ya derbarê çareseriya Sûriyê de gotûbêj kirin.

Ajansa "Novosti" li ser zimanê berdevkê wezareta karên derve ya Tirkiyê got ku her du aliyan ji bilî pirsgirêka penaber û koçberên Sûriyê, geşedanên dawî yên pêvajoya siyasî di çarçoveya "Komîteya Destûrî ya Sûriyê" de, pêvajoya Astana û rewşa Idlibê gotûbêj kirin.

Berdevkê Wezareta Derve ya Tirkiyê got ku her du aliyan nêrînên xwe dan hev û Enqereyê nêrîna xwe li ser van mijaran veguhezt aliyê Rûsyayê.

Rûsya di du rojên borî de di serxistina konferansa penaberan a li Şamê li dar xist de têk çû, ku bi beşdarbûna çend dewletan sînordar ma, di heman demê de di lidarxistina torên nû yên civînên "Komîteya Destûrî" de têk diçe.

Dewleta Tirk vekişandina ji nuqteyên xwe yên li gundewarê Idlib, Heleb û Hemayê ku hêzên hikumeta Şamê dorpêç kirine didomîne. Tê gotin ku bazareke nû li ser Idlib û Qerebaxê heye.