Rûspiyên Şêxler dest bi nîqaşkirina rewşa şêniyên bajarok kirin

Ebdulrezaq Ehmed li bajarê Minbicê û bi beşdarbûna gelek rûspiyên eşîrên bajarokê Şêxlerê, daxuyanî xwend.

Ebdulrezaq Ehmed di daxuyaniyê de got: "Bi hevkariya şêniyên Şêxlerê û gundên wê bi Rêveberiya Sivîl û Leşkerî re, şêniyên herêma Şêxlerê û gundewarê wê ji bo herêmên wan hatin vegerandin û zelalkirina rewşa wan hate qebûlkirin bêyî ku ti zirar bigihêje wan. Ev yek bi koordîneya bi komîteya eşîran a têkildar re pêk hat. Ev biryar kesên ku destê wan di rijandina xwînê de heye, nagire nava xwe. Wekî rûspiyên eşîrên herêma Şêxlerê û gundewarê wê, em soz didin ku em ê rewşa hemû şêniyên Şêxlerê û gundewarê wê ku li derveyî herêmên QSD`ê tev li komên çete bûne, nîqaş bikin."

Ehmed destnîşan kir ku yên ku li ser dîroka zelalkirinê ya di navbera 2`ê Mijdara 2020`an heta 22`ê Mijdara 2020'an de dereng bimînin, ew berpirsiya wan ranakin.

(dm)

ANHA

<iframe width="560" height="315" src="https://www.youtube.com/embed/eIbVsEEyt80" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>