Li Hesekê baxçeyekî zarokan hat vekirin

Di destpêka sala perwerdeyê ya 2019-2020'an de û ji ber piranî mamosteyan zarokên wan biçûk in, Rêvebiriya Giştî ya Dibistanan li Kantona Hesekê bi navê Şehîd Liyan baxçeyek zarokan li taxa El-Ezîziyê ya bajarê Hesekê vekir.

Baxçe zarokên ji temenê 3 salî heya 5 salî pêşwaz dike, ji seat 8'ê sibehê baxçe tê vekirin heta saet 12’ê nîvro. Armanc ji vekirina baxçeyê ew e ku bi mamosteyan û dayikên karmend re bibe alîkar.

Hejmara zarokan li Baxçeyê Şehîd Liyan gihîşt 54 zarokan (keç û xort), her wiha deriya tomarkirinê ji bo pêşwazîkirina zarokan hê jî vekirî ye.

Baxçe ji 6 refan û 5 mamosteyan pêk tê. Di baxçeyê de, zarok fêrî zimanî dayikê dikin anku kurdî û erebî û fêrî wênexêziyê dibin.

Hevserokê Rêveberiya Giştî ya Dibistanên Kantona Hesekê Jînda Ehmê di merasîma vekirinê de axivî û vekirina baxçeya zarokan li malbatan pîroz kir.

Jînda Ehmê destnîşan kir ku salek perwerde dijwar derbas bû, her wiha ji ber êrişên dewleta Tirk a dagirker û belavbûna vîrusa koronayê li herêmê dibistan demeke dirêj hatin girtin.

Ehmê diyar kir ku armanca wan ji vekirina baxçeyê zarokan a bi navê Şehîd Liyan ew e ku behreyên zarokan geş bikin û zarok fêrî zimanê dayikê bibin.

ANHA