‘Divê her kes li dijî êrişên artêşa Tirk her tim amade de be’

Dayikên şehîdan û dayikên şervanên Hêzên Parastina Gel (HPG) ên li bajarên Qamişlo, Dêrik û navçeyên Amûdê û Tirbespiyê pêngava KCK`ê ya ku 12`ê Îlonê hate ragihandin, pêşwazî kir û got: "Bi navê dayikên şehîdan û gerîlayan li dijî artêşa Tirk û dagirkirina herêmên Başûrê Kurdistanê, Herêmên Parastinê yên Medyayê û herêmên Bakur û Rojhilatê Sûriyê çalakiyên me yên sivîl dest pê dikin."

Têkildarî êrişan daxuyaniyên cuda hatin dayîn. Li bajarê Qamişloyê dayikên şehîdan û dayikên şervanên HPG`ê li Goristana Şehîd Delîl Saroxan daxuyanî da. Menîca Heyder daxuyanî xwend. Her wiha li bajarê Dêrikê jî daxuyaniyek hate dayîn û endama Meclisa Malbatên Şehîdan a Dêrikê Salîha Hacî daxuyanî xwend. Li navçeya Tirbespiyê jî Xerma Xelef li Navenda Meclisa Malbatên Şehîdan daxuyanî xwend.

Dayikên şehîdan û dayikên şervanên HPG`ê diyar kir ku êdî divê çalakiyên sivîl ên li dijî artêşa Tirk zêdetir bibin, ji ber ku artêşa Tirk hebûna gelê Kurd û gelê herêmê dike armanc.

Dayikan eşkere kir ku artêşa Tirk li dijî zarok û gel rêbazên hovane pêk tîne û li hemberî van êrişan civaka navneteweyî û herêmî bê deng e, ev jî ji bo artêşa Tirk şewqa kesk e û dihêle sûcên xwe berdewam bike.

Dayikên şehîdan û dayikên gerîlayan eşkere kir ku civaka navneteweyî û hikumeta Başûrê Kurdistanê li hemberî gelê Kurd bi erka xwe ranabin. Ji ber gelê Kurd rastî êrişên çewisandina nasname û dîroka kevnare tên.

Di dawiyê de dayikan bang li civaka Kurdistanê tevahî kir ku divê her tim amade bin û li dijî artêşa Tirk li qadên şer bin.

(eh)

ANHA

<iframe width="560" height="315" src="https://www.youtube.com/embed/RfARaxDvYEg" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>