Li Reqayê Yekitiya Odeya Bazirganan hate ragihandin

Konferansa yekemîn a damezirandina Yekitiya Odeya Bazirganan a li Reqayê li hola Navenda Çand û Hunerê bi beşdariya nûnerên Odeya Bazirganan a Bakur û Rojhilatê Sûriyê, nivîsgeha bazirganan a Komîteya Aborî ya Meclisa Sivîl a Reqayê û gelek bazirganên bajarê Reqayê û gundewarên wê hate lidarxistin.

Konferansê bi rêzgirtinê dest pê kir, paşê ji rêveberên saziyên civaka sivîl ên Reqayê Zelal Cîger rewşa siyasî nirxand û îşaret bi berjewendiyên navneteweyî yên li xaka Sûriyê kir, li gel vê bal kişand ser êrişên fikrî yên ku hin alî pê radibin û bi saya hevgirtina şêniyên Bakur û Rojhilatê Sûriyê ev êriş têk diçin.

Zelal Cîger bang li bazirganên li Reqayê û tevahiya bazirganên li herêmên Bakur û Rojhilatê Sûriyê kir ku têkildarî aloziya aborî bi roleke erênî rabin, ji ber ku li herêmên wan gel zehmetiya aboriyê dikişînin û di dawiyê de bazirgan zarokên civaka Sûriyê ne û karê wan ku parastina welêt bikin.

Paşê bendên rêziknameyê hatin nîqaşkirin. Rêzikname ji gelek madeyên pênasekirina yekitiyê, sazûmaniya wê, erêka rêveberiyê, erêk û mafên endamên meclisa yekitiya bazirganan û çawaniya dana nasnameyên bazirganiyê ji bazirganan re pêk tê. Piştî bendên rêziknameyê hatin nîqaşkirin, beşdaran rêzikname erê kir.

Di dawiya kongreyê de ji bo hevserokatiya Yekitiya Odeyên Bazirganan Merwan Hemada û Rodîn Mistefa hatin hilbijartin.

eh

ANHA