‘Têkoşîna jinan, pêşengiya şoreşa li dijî Osmaniyan e’

Rêveberiya Jinan a herêma Teqbayê li gundê Siwêdiyê, kampa Mehmûdlî, gundê Mehmûdlî û bajarokê Curniyê daxuyanî dan.

Di daxuyaniyan de îşaret bi van xalan hate kirin:

"Ji destpêkirina êriş û dagirkirinê ve, dewleta Tirk a dagirker li herêmên Bakur û Rojhilatê Sûriyê sûcên dermirovî li dijî şêniyan bi piştevaniya çeteyên girêdayî wê pêk tîne, jê bombebarankirin, wêrankirinû koçberkirin, hedefgirtina jin û zarokan bi hewldana derbekirina vîna jina azad û têkoşîna wê ku pêşengtiya şoreşê li dijî hovîtiya dagirkeriyê kir.

Ji destpêkirina ku dewleta Tirk a dagirker bajar û bajrokên Sûriyê dagir kirine ve, tevahî mîsaq û qanûnên navneteweyî li ber çavên tevahî cîhanê bin pê dike.

Dîroka osmaniyan tijî sûc e û hê jî heta roja îro berdewam e. Divê cîhan vê xeteriyê baş bizane ku gefan li tevahî herêmê dixwe û rawestîne.

Em bi tevahî gotinên tûj van sûcên hov û dermirovî li dijî şêniyên li herêmên dagirkirî şermezar dikin û bang li civaka navneteweyî û wijdana cîhanê dikin bi rola xwe ya parastina ewlehî û aştiya gelan ji sûcên dewleta Tirk a dagirker û çeteyên wê yên li dijî şêniyên Bakur û Rojhilatê Sûriyê rabin.”

Tê payîn ku rêveberî, meclisên jinan 7 daxuyaniyên şermezarkirina siyasetên dewleta Tirk li herêmê, li gel lidarxistina 8 civînên li gundewarên Tebqayê ji jinan re li dar bikevin da ku hedef û berjewendiyên dewleta Tirk ji dagirkirina van herêman re eşkere bikin.

(fr)

ANHA