Şêniyên Qamişlo sersaxî ji malbata şehîd Şoreşvan re xwestin

Şêniyên bajarê Qamişlo serdana konê sersaxiyê yê şervanê QSD`ê Talal Ehmed (Şoreşvan Qamişlo) kirin.

25 tîrmeh, 2020 11:22

QAMIŞLO

Konê sersaxiyê li pêşiya mala şehîd li taxa Bişêriyê ya bajarê Qamişlo hat vedan. Endamên Kongreya Star, Partiya Yekitiya Demokratîk (PYD), saziyên civaka sivîl û hevalên şehîd serdana kon kirin û sersaxî ji malbata şehîd re xwestin.

Kon bi wêneyên şehîdan, wêneyên rêber Abdullah Ocalan û alên YPG, YPJ û QSD`ê hat xemilandin.

Merasîm bi deqeyeke rêzgirtin destpêkir, paşê endamê Meclisa Malbatên Şehîdan Ebdulkerîm Ebdullrehman axivî û sersaxî ji malbata şehîd re xwest û da zanîn ku berxwedan gel hişt ku dijmin têk biçe û wiha dewam kir: " Di destpêka vê şoreşê de dijmin xwest ku perçebûnê di nav civakê de çêke û xwest ku çandeke dûrî civaka me li ser me ferz bike, lê berxwedana vê civakê bi hemû pêkhateyên xwe ve hewldanên dijmin têk bir."

Her wiha endamê PYD`ê Rafî Ebas jî axivî û sersaxî ji malbata şehîd re xwest.

Şervanê QSD`ê Talal Ehmed (Şoreşvan Qamişlo), di 28`ê Hezîranê de li Reqayê di encamê êrişeke şaneyên veşartî yê çeteyên DAIŞ`ê de şehîd bûbû.

Herkîna gel ber bi konê sersaxiyê ve dewam dike.

( sb-mh)

ANHA