Şêniyên Eyn Îsayê sûcên li dijî Goristana Kefîfa şermezar kirin

Dewleta Tirk a dagirker û çeteyên wê gorên li Goristana Kefîfe ya girêdayî kantona Girê Spî ya dagirkirî rakirin û baregeh pê avakirin û şêniyên herêmê topbaran dikin.

Têkildarî mijarê Hêva Hesen diyar kir ku dewleta Tirk a dagirker û çeteyên wê li dijî goristanên şêniyan li herêmên dagirkirî sûcan pêk tînin û şermezar kir. Her wiha Hêva Hesen der barê îdiayên Tirkiyê ku piştevaniya çeteyan dike û parêzvanê misilmanan e, heyîrî ma û wiha got: "Dewleta Tirk a dagirker îdia dike ku parêzvanê misilmanan e, lê berovajî vê yekê dibînin. Her wiha goran hildiweşîne û baregehên leşkerî ava dike ku dagirkirina xwe bisepîne."

Hêva Hesen bang li civaka navneteweyî kir ku li sûcên dagirkeriyê li hember pîroziyên li herêmên dagirkirî binêre û sînorekî jê re deyne.

Girêdayî mijarê, Ebid Ewad sûcê kirêt ê li dijî goristana gundê Kefîfa şermezar kir û wiha axivî: "Ev dikeve sûcên li dijî gorên miriyan û binpêkirina wê, bi wê re jî hovîtiya dagirkeriyê û paşguhkirina pîroziyên ola îslamê eşkere dibin."

Çeteyên dewleta Tirk a dagirker heman sûc li Goristana Şehîd Mehmûd Tema ya li rojavayê Girê Spî pêk anî, lê tu aliyan helwesta xwe li hemberî vî sûcî nîşan neda.

<iframe width="560" height="315" src="https://www.youtube.com/embed/ZB3TR0DGhUY" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>