Şêniyên Eyn Îsa banga rawestandina sûcên Tirkiyê kirin

Şêniyên navçeya Eyn Îsa ya herêma Firatê ji bo şermezarkirina sûcên artêşa Tirk a dagirker meşiyan. Bi sedan şêniyên navçeyê, gundewarê û koçberên Girê Spî tev li meşê bûn. Meş ji navenda navçeyê destpê kir û li ber baregeha leşkerî ya Rûsyayê li aliyê rojhilatê navçeyê bidawî bû.

Şêniyan wêneyên her sê jinên şoreşger ên ku di êrişa hawayî ya 23`yê Hezîranê ya dewleta Tirk a dagirker a ser li gundê Helincê yê kantona Kobanê de şehîd bibûn, alên Hêzên Sûriya Demokratîk (QSD), Kongreya Star, Yekîneyên Parastina Jin (YPJ) û pankartên bi nivîsên `Erê ji bo yekitiya Sûriyê`, `Em bang li civaka navdewletî dikin ku me vegerînin warên me`, `Em bang li hêzên navdewletî dikin ku çeteyên Erdogan ji herêmên me derxînin û rê li pêşiya sûcên wan bigirin` hildan.

Dema xwepêşendar gihaştin ber baregeha leşkerî ya Rûsyayê, bi navên Koordînasyona Kongreya Star û Meclisa Kantona Girê Spî axaftin hatin kirin.

Endama Koordînasyona Kongreya Star Meryem Elî got, şêniyên Bakur û Rojhilatê Sûriyê hêzên xwe ji fedekariyên şehîdan digirin. Ew ê parastina ax û destkeftiyên xwe bidomînin.

Meryem destnîşan kir ku artêşa Tirk a dagirker jinan dike hedef ji ber ku dixwaze vîna jinê bişkîne û giyana berxwedana ya jinên li Sûriyê zaîf bike.

Meryem di dawiya axaftina xwe de bang li Rûsya ya garantor kir ku mudexele bike da ku sûcên artêşa Tirk a dagirker li dijî sivîlan û jinan rawestîne û ewlehiya herêmê li gorî lihevkirinan biparêze.

Cigîrê hevserokatiya Meclisa kantona Girê Spî Sebrî Nebo rave kir ku ew ji bêdengiya navdewletî û erebî yên li hember sûcên dagirkera Tirk û çeteyên wê li dijî gelên herêmên Bakur û Rojhilatê Sûriyê şaşwaz e.

Ew jî bang li dabînkera Rûs û civaka navdewletî kir ku mudexle bikin û rê li pêşiya sûcên dagirkeriyê li dijî sivîlan bigirin.

Meş bi berzkirina sloganên silavkirina têkoşîna gelên Bakur û Rojhilatê Sûriyê û dilsoziya bi şehîdên azadî û rûmetê bi dawî bû.

(şx)

ANHA

<iframe width="560" height="315" src="https://www.youtube.com/embed/qUqRqJONAkI" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>