Sûcên dewleta Tirk li Hesekê hatin şermezarkirin

Bi pêşengiya Meclisa Malbatên Şehîdan û Kongreya Star a bajarê Hesekê êrişa dewleta Tirk a dagirker ên ser herêmên Bakur û Rojhilatê Sûriyê û komkujiyê li gundê Helîncê yê Kobanê bi meşekê hate şermezarkirin ku di encamê de sê jinên têkoşer şehîd bûn.

 Bi sedan şêniyên kantona ji pêşiya avahiya Şaredariya Başûr a taxa Xiwaran ta Stada mezin a taxê meşiyan. Di meşê de pankartên wekî "Şehadeta we îsrara me ya domandina têkoşîna azadiyê zêde dike"," Em helwesta navdewletî ya li hemberî faşîzma Erdogan şermezar dikin" û "Bi hedefgirtina gelê me hûn nikarin îradeya me bişkînin" hatin vekirin û bê navber diruşmeyên şermezarkirina êrişên Tirkiyê hatin berzkirin.

Li ber stadê deqeyeke rêz hate girtin.Piştre endamê rêveber ê Meclisa Malbatên Şehîdan Mihemed Seîd axivî  û got: "Dewleta Tirk a dagirker bi van êrişên xwe hewl dide îradeya şoreşa me ku şoreşa jinê ye bişkîne. Bila xeylan neke ku wê şoreşa me bişkîne. Bi hêz û îradeya jinê em di hemû aliyan de serkeftinên mezin bi dest xistin."

Mihemed Seîd her wiha got: "Bi navê malbatên şehîdan em bibin  yek û gelên bindest azad bikin."

Çalakî bi berzkirina diruşmeyên silavkirina berxwedana jinê û şermezarkirina sûcên dewleta Tirk bi dawî bû.

ANHA

<iframe width="560" height="315" src="https://www.youtube.com/embed/tp9ck3cqbvE" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>