Şehîd Zîlan li Dêrikê hate bibîranîn

Îro Kongreya Star di 24`emîn salvegera şehadeta şehîd Zîlan de civînek li dar xist. Şehîd Zîlan li bajarê Dersim ê Bakurê Kurdistanê li dijî artêşa Tirk a dagirker çalakiyeke fedayî pêk anîbû û di encama wê de 50 leşkerên Tirk hatibûn kuştin.

Civîn li Navenda Dîcle ya Çand û Hunerê hat lidarxistin. Bi sedan şêniyên bajêr, endamên saziyên civaka sivîl û Kongreya Star tev li civînê bûn.

Merasîma bîranînê bi rêzgirtinê dest pê kir. Paşê endama Kongreya Star a bajarê Dêrikê Fatma Ehmed wiha axivî: "Şehîd Zîlan li dijî hêzên artêşa Tirk di sala 1096`an çalakiyeke fedayî pêk anî. Şehîd Zîlan bi çalakiya xwe hêza têkoşîna jinan li dijî şafîzmê û xebatên di hemû aliyên siyasî û leşkerî de, îsbat kir."

Paşê nameya şehîd Zîlan ji aliyê yek ji rêveberên Komîteya Perwerdeyê ya Kongreya Star Rûha Ehmed ve hat xwendin.

Merasîma bîranînê bi dirûşmên “Şehîd namirin” û silavkirina berxwedana jinan bi dawî bû.

bx

ANHA

<iframe width="560" height="315" src="https://www.youtube.com/embed/9ABxuzed5tw" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>