Şehîd Mustefa Hemo li Minbicê hate oxirkirin

Şêniyên bajarê Minbicê îro li pêşiya nexweşxaneya Firat kom bûn û cenazeyê şervanê Hêzên Meclisa Leşkerî ya Minbicê Xelîl Mistefa ku dema li ser erka xwe şehîd bûbû, wergirtin. Girseya gel alên Meclisa Malbatên Şehîdan hilgirtin û sloganên"Şehîd namirin" berz kirin.

Şervanên Meclisa Leşkerî ya Minbicê li goristina şehîdan toreneke leşkerî li dar xistin û girseya gel jî deqak rêzgirtin girtin. Paşê ji fermandarên Meclisa Leşkerî ya Minbicê Ferîd Şêxo axivî û sersaxî ji malbata şehîd re xwest.

Ferîd Şêxo di berdewamiya axaftina xwe de wiha got:"Em îro lehengekî Meclisa Leşkerî ya Minbicê oxir dikin û di rêya şehîd re em soza şopandin û pêkanîna armancên şehîdan didin."

Endama Meclisa Malbatên Şehîdan Hesa El-Dahir û hevserokê Meclisa Qanûnsaz a Rêveberiya Sivîl a Minbicê Mihemed Elî El-Ebo jî axivîn û dan zanîn ku ew îro ji bo rûmet û giyanên şehîdên ji bo parastina xakê canê xwe feda kirine, îro ew li vir kom bûne.

Paşê Endama Meclisa Jinan Neqîşa Xelîl axivî dayîkên şehîdên ji bo rizgarkirina xakê û têkbirina terorê canê xwe feda kirine, silav kir.

Piştî axaftinan, endama Meclisa Malbatên Şehîdan Fatima Şêxo wesîqeta şehîd xwend û radestî malbata şehîd kir.

Di dawiya merasîman de, bi dirûşmeyên dilsoziya bi şehîdan re, şehîd Xelîl Mustefa hate oxirkirin.

(eh)

ANHA

<iframe width="560" height="315" src="https://www.youtube.com/embed/y0xapwP7Xqo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>