'Hewldanê me yên ji bo aboriya jinê dewam dikin'

Firina jinê ya li herêma El-Kesrat ji girîngtirîn projeyên aborî yên jinê li rojavayê gundewarê Dêrazorê tê hesibandin.

JIN

8 hezîran, 2020 03:32

DÊRAZOR-RUBA EL-ELÎ –XUFRAN EL-ABDULLAH

Li rojavayê gundewarê Dêrazorê ji yekemîn firinên nan ên ku hatin vekirin, firina jin bû. Firin bi kalîtebûna nan û bihaya wî ya guncew navdar e.

Firin di 1-10-2018`an de piştî ku Komîteya Aboriya Jinê ya girêdayî Rêveberiya Jin a herêma El-Kesrat proje erêkir, hate vekirin. Komîteyê heta 4 mehan proje erêkir. Piştî peydakirina avahiyê û tevahiya amûrên firinê û jeneratorek bi lêçûna 25 hezar dolarî, firina jin hate vekirin.

Firin ji saet 4:00`an berbanga sibê heta saet 10:00`an sibehê dixebitin. Rojane derdora 4 ton nan dipêjin.

Girêdayî mijarê karkera firinê Nûr El-Huda Mihemed got: "Wek jinên Dêrazorê pêwîstiya me bi mîna van projeyên ku desteka jinê dikin heye. Da ku alîkariya wê were kirin û xwarina xwe ya rojane peyda bike. Lewra vekirina vê firinê hişt ku em karînên xwe di warê kar de pêş bixin. Her wiha dihêle em pereyên xwe kom bikin û di projeyên aborî yên din de bi kar bikin."

(şx)

ANHA