​​​​​​​Agirbesta li Yemenê heta mehekê hat dirêjkirin

Berdevkê fermî yê hêzên piştgiriya rawebûnê ya Yemenê serheng Tirkî El-Malikî diyar kir ku fermandariya hêzên hevbeş ên koalîsyonê agirbest dirêj kiriye. Ev yek li gorî briyara 8`ê Nîsanê ya agirbesta du hefteyan, her wiha li ser daxwaza serkertêrê giştî yê Neteweyên Yekbûyî (NY) yê ji bo Yemenê Martin Griffiths a ragihandina agirbestê ji bo pêşketina dan û standinên her du aliyan der barê agirbesteke daîm de, pêk hat.

El-Malikî wiha got: "Her wiha lihevkirin li ser tedbîrên mirovî û aborî yên sereke û dewamkirina çalakiya siyasî û kêmkirina azarên gelê Yemenê, ji bo karên û xebatên pêşîgirtina belavbûna Koronavîrusê bi hatina meha Remezanê re, pêk hatin. Li gorî wê dê agirbest ji roja pêncşemê de (23`yê Nîsanê) bikeve miryetê û heta mehekê dewam bike".

El-Malikî bi domdarî got: "Fermandariya hêzên hevbeş ên Koalîsyonê, careke din piştrast dike ku derfet heye ku em xebatên gihiştina agirbesteke giştî û daîm li Yemenê bikin yek û li ser gavên cidî û berbiçav ji bo kêmkirina azarên gelê Yemenê, li hev bikin".

El-Malikî wiha pê de çû: "Em û NY`yê dê piştgiriya van gavên sereke bikin da ku bigihînin çareseriyeke siyasî ya giştî û adil ku gelê Yemenê jê razî be".

Koalîsyona piştgiriya rawebûnê ya Yemenê hefteya borî gotibû ku milîsên Hûsî hezar û 96 caran agirbesta li welêt binpê kirine û diyar kiribû ku di binpêkirinan de çalakiyên leşkerî yên dijminatî û bikaranîna çekên navîn, giran û moşekên Balîstîk, pêk hatiye.

)cx)