Nasnameyên 2 şehîdên YBŞ’ê hatin aşkerakirin

Fermandariya YBŞ’ê daxuyaniyeke nivîskî da û diyar kir ku duh li bajarokê Tilezêr ê Şengalê mayineke ji bermahiyên çeteyên DAIŞ’ê teqiyaye û di encamê de şervanên wan Serhad Elzero û Serhildan Elzero şehîd bûne.   

YBŞ’ê di daxuyaniya xwe de wiha da zanîn: “Çawa ku di fermanê de, di şert û mercên herî zor û zehmet de me erkên parastina ax û gelê xwe pêk anîbin, di roja me ya îro de jî di oxira wê de bedelên wê çi dibe bila bibe, em ê bidin û erkên xwe yê parastinê pêk bînin. Bila dijmin, dost û gelê me bizane ku şervanên YBŞ’ê ji bo vî gelî, xwe kiriye mertal. Şert û merc çi dibe bila bibe, em amade ne ku ji bo gelê xwe tişta ku tê xwestin, bidin û em didin jî.”

Daxuyaniyê bal kişand ser têkoşîna her du şehîdan û wiha pê de çû: “Hevrêyên me Serhildan û Serhed, bi dilsoziyeke mezin tev li vê têkoşînê bûn û pêşengî kirin. Bi fedakarî û wêrekî, di hemû çeperan de cihê xwe girtin. Hevrêyên me Serhildan û Serhed çawa ku bûn şopdarên Berîvan, Gulçîn, Berxwedan û Zerdeştan, em ê şopdarên hevrêyên xwe soza pêkanîna hêvî û armancên wan, têkoşîna xwe xurtkirin, azadî û mafê gelê xwe bidestxistinê didin. Ev erka me ya sereke ye. Li ser vî esasî em di serî de ji malbatê hevrêyên xwe û tevahî gelê xwe re sersaxiyê dixwazin.”

Li gorî daxuyaniyê nasnameyên şehîdan wiha ne:            

***

ANHA